Memleket basshysy bokstan Qazaqstan ulttyq quramasyn Ulan-Batyrda ótken Aziia birinshiliginde tabysty óner kórsetýimen quttyqtady, dep habarlaidy Dalanews.kz.
Prezident sportshylarymyz jalpy komandalyq esepte birinshi oryndy jeńip alyp, otandyq boks mektebiniń joǵary deńgeiin kórsetkenin atap ótti.
Quttyqtaýda Orazbek Asylqulov, Sabyrjan Aqqalyqov, Nurbek Oralbai, Aibek Oralbai, Nadejda Riabets jáne Dina Islambekova sekildi sportshylardyń jeńis tuǵyryna kóterilip, ortaq jetistikke zor úles qosqanyna nazar aýdaryldy. Qasym-Jomart Toqaev qazaqstandyq bylǵary qolǵap sheberleriniń álemdik jarystarda kók bairaǵymyzdy biikte jelbirete berýlerine tilektestik bildirdi.
