Alǵash ret Óskemen qalasynda ótetin Azıa Chempıonatyna qatysýshy Taıbeı, Fılıppın, Taıland, Vetnam, Japonıa, Iran memleketteriniń sportshylary búginde Dene shynyqtyrý jáne saýyqtyrý kesheninde jáne B. Aleksandrov atyndaǵy sport saraıynda jattyǵýda. Al qytaılyq klýb erteń keledi dep kútilýde.
Esterińizge sala ketsek, mamyrdyń 25-31 aralyǵynda Óskemende áıelder arasynda voleıboldan klýbtyq Azıa Chempıonaty ótedi. Azıa kontınentinen 8 komanda qatysatyn atalmysh chempıonatta el namysyn «Altaı» voleıbol komandasy qorǵamaq.
