Pavlodar oblysynda jaǵa ustatarlyq oqiǵa: eks-sheneýnik, AMANAT partiiasynyń burynǵy múshesi Serikqan Jaqupov jeti jasar balany zorlaǵany úshin ómir boiyna bas bostandyǵynan aiyryldy, dep habarlaidy Dalanews.kz Orda.kz-ke siltep.
Oqiǵanyń eń jan túrshigerlik tusy – jábir kórgen búldirshin Jaqupovtyń óz áieliniń týǵan jieni bolyp shyqty. Sotqa deiin onyń áieli kúieýiniń mundai qylmysqa barǵanyna senbei, temir torǵa turaqty túrde tamaq tasyp turǵan eken.
Jaqupovtyń aty buryn oblystaǵy laýazymdy tulǵa retinde belgili edi: ol Aqsý aýdany ákimdiginiń apparatyn basqarǵan, keiin aýdandyq máslihat depýtaty bolyp sailanǵan. AMANAT partiiasynda júrgende memlekettik qyzmetkerlerdiń ádep máselelerine jaýapty bolǵan adam ekeni de kópshiliktiń ashýyn týdyrdy.
AMANAT partiiasy bul janjal bastalysymen-aq Jaqupovtan dereý irgesin aýlaq salyp, onyń partiiadan «óz erkimen» tamyz aiynda shyǵyp ketkenin málimdegen bolatyn.
Qoǵamdy dúrliktirgen osy oqiǵa biliktegi adamdardyń betperdesiniń arǵy jaǵynda qandai «qubyjyq» jasyrynǵanyn kórsetkendei boldy. Ásirese, etikaǵa jaýapty bolǵan burynǵy amanattyqtyń bul qylmysy eldiń bilik pen qoǵamǵa degen senimin taǵy bir márte shaiqaltty. Sottyń qatań úkimi de osyny ańǵartsa kerek.
