Aimaǵambetov: "Saýat ashýdy" alyp tastadyq, balalar "Álippe" men "Ana tilin" oqidy"
Jaqynda Memlekettik jalpyǵa mindetti standartqa ózgerister engizilip, Ádilet ministrliginde tirkeýden ótti. Ondaǵy mańyzdy jańalyqtardyń biri – kelesi 2021 oqý jylynda birinshi synyp oqýshylary "Saýat ashý" pániniń ornyna "Álippe" men "Ana tilin" oqityn bolady, - dep jazdy ministr.
Onyń jazýynsha, birinshi synyp oqýshylary oqý jylynyń bastapqy eki toqsanynda "Álippeniń" baǵdarlamasyn oqysa, qalǵan eki toqsanda "Ana tili" pánin oqidy.
Sáikesinshe, orys tilinde nemese basqa tilderde bilim alatyn synyptarda "Býkvar" men "Obýchenie gramote" pánderi júrgiziledi. Aita keteiin, "Álippe" Ahmet Baitursynulynyń ádistemesi negizinde daiyndalady. Qazirgi kezde oqýlyqtardy ázirleý boiynsha úlken jumys júrgizilip jatyr. Biryńǵai baǵdarlama jasaýmen ainalysatyn jumys tobyn qurdyq. Onyń quramynda myqty til mamandary, ádiskerler, bastaýysh synyp muǵalimderi men buǵan deiin oqytylǵan "Álippe" oqýlyqtarynyń avtorlary bar. Orynbasarym Sholpan Karinova osy jumys tobynyń alǵashqy otyrysyn ótkizip te úlgerdi. Baǵdarlamalar men oqýlyqtar daiyn bolǵannan keiin olardy pilottyq mektepterde synaqtan ótkizemiz dep josparlap otyrmyz. Keiin basqa mektepterge jiberiletin bolady. Bul másele meniń jiti baqylaýymda, delingen jazbada.
