Mektep muǵalimderi bul jaǵdaiǵa narazylyq bildirip, "ushtobeqz" resmi paraqshasyna jazǵan. Bul týraly Dalanews.kz Azattyq Rýhy basylymyna siltep habarlaidy.
Aty-jónin atamaýdy ótingen qyzmetker "Direktor pedagogterdiń kásibi mindetine kirmeitin jumystardy istetip, aqsha jinady" deidi.
"Darhan Jumahanuly karantin kezinde, mekteptiń kúrdeli jumysy bitpegenine qaramastan muǵalimderdi mekteptiń dálizderi men kabinetterin jýyp-shaiýǵa shaqyrdy. Ol mektepke muǵalimderge kirýge ruqsat joq. Sebebi mektep kúrdeli jóndeýden keiin arnaiy komissiiamen qabyldap alynǵan joq.
Sonymen qatar mekteptiń barlyq stendterine aqsha bólindi dep jinalysta aitqan bolatyn, biraq muǵalimder men dene shynyqtyrý páni muǵalimderinen stendke dep aqsha jinap aldy. Muǵalimder bar shyndyqty aitýǵa qorqady. Óitkeni jumysynan aiyrylyp qalamyn ba dep oilaidy.
Bul direktor eshqandai pedagogikalyq mádenietti bilmeidi. Muǵalimdermen qarym-qatynas durys ornata almaidy. Jumysqa diplomy joq muǵalimderdi qabyldady. Ózi jumysqa qabyldaǵan dene shynyqtyrý pániniń muǵalimderi jarty jyldan astam jumysqa kelgen joq. Bul direktordyń zańsyz áreketteri kóp",- dedi pedagog.
Almaty oblysynyń bilim salasynda sapany qamtamasyz etý departamenti bul iske qatysty túsindirme berdi.
"Aǵymdaǵy jyldyń 23 tamyzynda Almaty oblysynyń bilim salasynda sapany qamtamasyz etý Departamentinde Qazaqstan Respýblikasynyń "Pedagog mártebesi týraly" Zańy talaptarynyń pedagogterdi kásiptik mindetterimen bailanysty emes jumys túrlerine tartý jaǵynan buzylý faktisi qaraldy. Qaralý nátijesi boiynsha Qaratal aýdany Pýshkin atyndaǵy orta mektebiniń basshysy Jumahanuly Darhan Qazaqstan Respýblikasy "Ákimshilik quqyqbuzýshylyq týraly" Kodeksiniń 409-babynyń 7-3 bóligi 1-tarmaǵy boiynsha ákimshilik quqyqbuzýshylyq jasaǵany úshin kináli dep tanyldy", - dedi departamenttiń baspasóz qyzmeti.
Mektep basshysynyń tek “sógispen” ǵana qutylyp ketkenine muǵalimder narazy ekenin aitty.
"Direktorǵa bar bolǵany sógis bergen. Nege mundai isti jaýapty organdar durystap teksermeidi?! Ol kisiniń zań buzýshylyq áreketteri jetip artylady. Bizdegi árbir pedagog aty-jónimizdi ashyp aitýǵa qorqamyz, erteń jumysymyzdan aiyrylyp qalsaq, bala-shaǵamyzdy kim asyraidy?! Onsyzda osy shýdan keiin direktor mektepke kelip, ókpesin aityp renjidi. Bizdegi bilim basqarmasynan bir-eki adam keldi de, bárin jyly jaýyp qoia saldy. Biz ádilettiliktiń ornaitynyna senbeitin boldyq",- dedi narazy muǵalimderdiń atynan sóilep turmyn degen ustaz.
