Májilis depýtaty Ashat Aimaǵambetov aýylǵa jumysqa barǵan jas dárigerlerdiń ústemaqy alýyn zańǵa engizilgen túzetýlerdiń oń nátijesi retinde atap ótti, dep habarlaidy Dalanews.kz.
Depýtat jaqynda aýylǵa kóship barǵan jas dárigerlermen kezdesip, olardyń 100 eń tómengi jalaqy, iaǵni shamamen 9 million teńge kóleminde ústemaqy alatyndaryn habarlady. Aitýynsha, bul qarjylai qoldaý ǵana emes, dárigerler eńbeginiń baǵalanǵanyn jáne olardyń tańdaýyn durys dep sanaǵanyn kórsetetin mańyzdy belgi.
“Májiliste osy túzetýlerdi engizgende aýyldyń bilikti mamandarǵa, ásirese dárigerlerge muqtaj ekenin jaqsy bildik. Buryn bul jerlerde tek tynyshtyq pen úmit bolsa, qazir adamdardyń ómirin saqtap qalýǵa daiyn dárigerlerdiń jumysy kórine bastady”, — dedi Ashat Aimaǵambetov.
Depýtat aýyldy dárigerler úshin ǵana emes, basqa da mamandar úshin ómir súrýge yńǵaily ári jumys isteýge yntalandyratyn orynǵa ainaldyrý maqsatynda jumys jasalyp jatqanyn jetkizdi. Onyń sózinshe, bul da sailaýaldy baǵdarlama aiasynda júzege asyp jatqan mańyzdy bastamalardyń biri.
