"Samuryq Qazyna" UÁQ eks-topmenedjeri, Shymkent eks-ákiminiń aǵasy Marat Áıtenov qamaýǵa alyndy, dep habarlaıdy Dalanews.kz.
Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynda quqyq buzýshyǵa qatysty is qaraldy.
Marat Áıtenov úıdegi otbasylyq janjal kezinde burynǵy jubaıynyń abyroıy men qadir-qasıetin qorlap, oǵan dórekilik kórsetken. Osylaısha otbasyna qurmet kórsetpeı, basqa adamdardyń da tynyshtyǵyn buzǵan.
"Sot otyrysy barysynda quqyq buzýshy óz kinásin moıyndaǵan joq. Ol burynǵy jubaıy onyń ótinishi boıynsha balalaryn berýden bas tartyp, olardyń qoldarynan ustap jibermegenin túsindirdi. Ol balalardy áketý úshin edende otyrǵan áıeldiń aıaqtarynan tartqan. Ol ádepsiz sóz aıtpaǵanyn, ony urmaǵanyn atap ótti", - dedi sotta.
Sottyń málimetinshe, jábirlenýshi burynǵy kúıeýi ony kóshirý kezinde zańsyz júrip, oǵan shabýyl jasap, denesine zaqym keltirgenine shaǵymdanǵan. Jasalǵan quqyq buzýshylyqtyń mán-jaılary ákimshilik quqyq buzýshylyq týraly hattamamen, beınejazbamen, jábirlenýshiniń túsindirmelerimen rastalady.
"ÁQBtK-niń 73 - babynyń 1-bóliginiń sanksıasy eskertýdi nemese 5 táýlikke ákimshilik qamaqqa alýdy kózdeıdi. Joǵaryda keltirilgen mán-jaılardy, sondaı-aq jurtshylyqqa teris áser etetin jáne jeke adamnyń quqyqtaryna qol suǵatyn jasalǵan is-árekettiń dárejesi men sıpatyn eskere otyryp, quqyq buzýshy ÁQBtK-niń 73-babynyń 1-bóligi boıynsha kináli dep tanyldy. Oǵan jaza taǵaıyndalyp, 5 táýlikke qamaýǵa alyndy. Qaýly zańdy kúshine engen joq", - delingen aqparatta.
