«Bizdiń bir túzetýimiz bar. Ol - ákimshilik qamaýdy 3 saǵattan 24 saǵatqa uzartý. Bul ýaqytta buzaqy esin jinap, ashý-yzasy basylyp, ne istegenine durys baǵa bere alady. Al úsh saǵattyń ishinde ol múmkin emes. Sosyn qorǵaý nusqamasy degen bar. Ony bárimiz bilemiz. Sony buzsa, kóbinese, ishki ister organdary eskertý jasap jatady. Shynyn aitsaq, sol eskertýdi eshkim mensinbeidi. Sondyqtan eskertýdiń ornyna on táýlikke ákimshilik qamaý bolsa eken deimiz. Osyndai túzetýdi biz jaqynda Parlamentke jibermekpiz»
- dep atap kórsetti Bas prokýror Jaqyp Asanov búgin turmystyq zorlyq-zombylyq máselelerine arnalǵan jiynda.
Onyń aitýynsha, jeti jyldan beri elimizdiń zombylyqtyń aldyn alý zańnamasyna ózgeris engizilmegen. Ol ýaqyttyń ishinde birqatar tetikter eskirip qaldy. Osyǵan bailanysty arnaiy zań jobasy ázirlenip jatyr.
Aita keteiik, óz baiandasyn tolyǵymen memlekettik tilde jasaǵan Jaqyp Asanov óz ómirinen bir oqiǵa jaiynda baiandap berdi. Budan bólek, naqty statistikany keltirdi. Elimizde áielderge qatysty qylmystardyń sany 90 paiyzǵa ósti. Árbir úshinshi qylmys otbasy jaǵdaiynda boldy. Ótken jyly 36 áiel jáne bir bala qaitys bolsa, 2 481 áiel men 851 bala zorlyq-zombylyqtyń qurbanyna ainaldy. 742 áiel men káselettik jasqa tolmaǵan 175 jas óz-ózine qol saldy. Bas prokýrordyń oiynsha, mektepte qajetsiz pánderdiń ornyna ómirge paidaly bilim berý kerek. Sonymen qatar Asanov myrza úilenemin deýshilerge arnalǵan mindetti kýrs engizýdi usyndy.
Derekkóz: QazAqparat
