Buǵan deiin otbasyndaǵy janjaldardyń bári "áieldiń tiliniń uzyndyǵynan" týyndaidy dep málimdegen Májilis depýtaty Anas Baqqojaev bul úshin keshirim suraityn eshteńesi joq dep esepteidi, - dep habarlaidy Dalanews.kz tengrinews.kz-ke siltep.
Májilis kýlýarynda jýrnalister depýtatqa mundai málimdeme jasaý qanshalyqty durys dep oilaityny týraly surady. Depýtat áielder quqyǵy men balalar qaýipsizdigi týraly zań jobasynyń qabyldanýyn qoldaitynyn basa aitty.
"Men psihologiialyq quraldarǵa nazar aýdardym. Iaǵni, er adam áielge fizikalyq túrde áser ete alatyn bolsa, áiel de psihologiialyq túrde áser etedi. Bul jerde mundai janjal mindetti túrde urys-keris ne kúsh qoldanýmen aiaqtalýy kerek degendi aityp otyrǵan joqpyz. Joq, zorlyq-zombylyqty múldem joqqa shyǵaramyn. Men kez kelgen kúsh qoldanýǵa qarsymyn", - dedi Anas Baqqojaev.
Májilismenniń aitýynsha, áiel – shańyraqtyń uiytqysy, sondyqtan ol otbasyn saqtaýǵa jaýapty.
"Degenmen áieldiń erkekke psihologiialyq áseri kúshti. Túsinesiz be, erkek bar, áiel bar, bólemiz ǵoi. Er adam jumys istep, aqsha taýyp, úige tabys ákelýi kerek bolsa, áiel bala tárbieleýmen ainalysady. Tiisinshe, otbasyn saqtaýda áieldiń róli áldeqaida joǵary. Bul meniń jeke kózqarasym. Áiel múmkindiginshe saqtaýǵa, iaǵni jaǵdaidy ýshyqtyrmaýǵa, kez kelgen jaǵdaidy jaqsy aiaqtaýǵa tyryssa, árine, otbasy saqtalady", - dedi depýtat.
Sondai-aq, jýrnalister Baqqojaev "burynǵy málimdemesi úshin áielderden keshirim suraýdy qajet dep sanai ma", surap kórdi. Májilismen keshirim suraityn eshteńesi joq dep jaýap berdi.
"Nege keshirim suraý kerek? Meniń oiymsha, bul taza heit. Sóz barysynda men birden: "Keshirińizder, áielder", dedim. Biraq men dóreki eshteńe aittym dep oilamaimyn. Men óz pikirimdi aittym, oǵan quqyǵym bar. Ony on myńdaǵan otbasy úide talqylasa, meniń oiymsha, kerisinshe, jaqsy", - dep qosty depýtat.
Sondai-aq, ol óz otbasy músheleri áieldiń tili uzyn degen málimdemesine qalypty qaraǵanyn aitty.
"Men birdeńeni búldirdim dep oilamaimyn jáne bul qalypty jaǵdai", - dep qosty ol.
