Aidos Sarym: "Qaisar Janahanovty kásibi maman retinde joǵary baǵalaimyn"
"Ol qazirgi media naryqty búge-shigesine deiin biletin bilikti basshy, kásibi mamannyń biri. Qaisarmen uzaq jyldan beri tanyspyn. Kezinde bir departamentte jumys istedik. Ony el úshin eńbek etken óz isiniń úzdigi retinde joǵary baǵalaimyn", – deidi Sarym.
Saiasattanýshy tergeý jumystary Qoǵamdyq kelisim komitetiniń tóraǵasy úshin oń aiaqtalaryna senimdi.
"Tergeý jumystary atalǵan istiń anyq-qanyǵyn anyqtai jatar. Aqyr sońynda Qaisar ózin aqtap shyǵyp, adam retinde, maman retinde óz áleýetin tolyqtai tanytatyn múmkindikke ie bolady, – deidi Sarym.
Astana qalasy jemqorlyqqa qarsy Ulttyq biýrosynyń habarlaýynsha Qoǵamdyq kelisim komitetiniń tóraǵasy Qaisar Janahanov 1,9 teńge kóleminde para alǵan dep kúdiktelip otyr. Dál qazir ol úi qamaqta.
