2025 jylǵy 17 mamyrda Qazaqstan Respýblikasynyń Mádeniet jáne aqparat ministri Aida Balaeva IýNISEF-tiń Eýropa jáne Ortalyq Aziia boiynsha aimaqtyq direktory Redjina De Dominichis hanymmen kezdesti, dep habarlaidy Dalanews.kz.
Kezdesýde balalar men jastardyń quqyqtaryn qorǵaý jáne olardyń ál-aýqatyn jaqsartýǵa baǵyttalǵan Qazaqstan men IýNISEF arasyndaǵy uzaq merzimdi yntymaqtastyqtyń negizgi baǵyttary sóz boldy.
Áńgime barysynda 20 jyldan astam ýaqytqa sozylǵan seriktestiktiń nátijeleri, sonyń ishinde jastar resýrstyq ortalyqtarynyń damýyna jáne balalardyń múddesin kózdeitin memlekettik saiasatty ilgeriletýge qosqan IýNISEF-tiń úlesi atap ótildi.
Ministr elimizde otbasyn qoldaý ortalyqtaryn damytýǵa kórsetilgen ádistemelik jáne saraptamalyq kómek úshin IýNISEF-ke alǵys bildirdi.
Atalǵan ortalyqtardyń sanyn 200-ge deiin jetkizý kózdelip otyr. Sondai-aq erte jastaǵy balalardyń damýy men ata-analyq jaýapkershilikti nyǵaitý máseleleri talqylandy. Bul baǵytta "Ata-analar ailyǵy" aiasyndaǵy is-sharalar men tiisti memlekettik organdardy biriktiretin jumys tobynyń qurylýy mańyzdy qadam retinde atap ótildi.
Kezdesý qorytyndysynda taraptar áleýmettik mańyzy bar máseleler boiynsha ózara is-qimyldy jalǵastyrýǵa kelisti. Atap aitqanda, balalardy áleýmettik jelilerdegi ziiandy kontentten qorǵaý, erte júktiliktiń aldyn alý, volonterlikti damytý jáne basqa da baǵyttar boiynsha birlesken jumystar jalǵasyn tabatyn boldy.
Sondai-aq ministr balalar quqyǵyn qorǵaýǵa arnalǵan túrli is-sharalardy qamtityn IýNISEF aptalyǵyn ótkizýdi qarastyrýdy usyndy.
