24 qyrkúiekte Parij qalasynda Qazaqstan Respýblikasynyń Mádeniet jáne aqparat ministri Aida Balaeva IýNESKO Bas direktorynyń mádeniet jónindegi orynbasary Ernesto Ottonemen kezdesti, dep habarlaidy Dalanews.kz
Kezdesý barysynda Aida Balaeva uiym basshysy orynbasaryna «Ústirt» aralas mura obektisiniń nominatsiialyq qujattamasyn tabystady. Joba QR Mádeniet jáne aqparat ministrligi tarapynan Dúniejúzilik mura ortalyǵyna aldyn ala baǵalaý úshin jáne IýNESKO-nyń Dúniejúzilik muralar tizimine engizý maqsatynda tapsyryldy.
Nominatsiialyq qujattama Prezident Qasym-Jomart Toqaevtyń bastamasymen daiyndaldy. Memleket basshysy elimizdiń biregei tarihi-mádeni jáne tabiǵi nysandaryn halyqaralyq deńgeide nasihattaý qajettigin birneshe ret atap ótken bolatyn.
Airyqsha atap óterligi, aralas mura obektisi postkeńestik elder tarihynda alǵash ret usynylyp otyr. Ústirt – arheologiialyq eskertkishter, dástúrli ańshylyq tuzaqtar-arany jáne tabiǵi tutastyqta úilesken qaitalanbas mádeni ári tabiǵi landshaft.
IýNESKO Bas direktorynyń mádeniet jónindegi orynbasary Ernesto Ottone Qazaqstannyń halyqaralyq yntymaqtastyqtaǵy belsendi ustanymyna rizashylyǵyn bildirip, usynylǵan bastamanyń asa mańyzdy ekenin atap ótti.
Kezdesý sońynda taraptar ekijaqty yntymaqtastyqty odan ári damytýǵa múddeli ekenin jetkizdi.
