Mádeniet jáne aqparat ministri Aida Balaeva "Qazaqfilm" kinostýdiiasy tóńiregindegi daýǵa pikir bildirdi,- dep habarlaidy Dalanews.kz.
"Biz qazir “Qazaqfilmdi” otbasy bos ýaqytyn ótkize alatyn orynǵa ainaldyrý úshin investordy izdep jatyrmyz. Ol jerge bir kinoteatr, jabyq kinoteatr salyp, Qazaqfilmniń mýzeiin kótersek deimiz. Taqyryptyq dúkender ashylyp, Qazaqfilm shynynda da otbasylar ýaqytyn qyzyq ótkize alatyn, otandyq kinolardy tamashalai alatyn orynǵa ainalsa deimiz", – dedi Aida Balaeva.
Aida Balaeva "kinostýdiianyń jerin bireýge satyp jiberdi, bireýge berip jiberdi" dep aqparat tarap júrgenin, ol ótirik ekenin málimdedi. Qazaqfilmniń jeri sol uiymnyń kádesine jaratylatynyn aitty.
"Keiingi 7 jylda Qazaqfilm birinshi ret qarjy jaǵynan oń dinamikaǵa shyqty. Demek Qazaqfilm aqsha taba bastady. Ol durys menedjmenttiń arqasy. Qazaqfilmde qazaq tildi mamandar ǵana jumys isteýi kerek degen sózben kelispeimin. Kez kelgen uiymdy jaqsy menedjer basqaryp, júieli túrde damytýy kerek. Qazir sol jumys júrgizilip jatyr", – dedi Aida Balaeva.
Ministr "dúrbeleńge salyp júrgen birneshe adam kezinde sol "Qazaqfilmde" jumys istegen. Biraq "Qazaqfilmniń" ońtaily damýyna áser etetindei jumys istemegen. Qazir olar joq jerden daý jasap júr. Men Azamat Satybaldy ketkennen keiin "Qazaqfilmniń" menedjmentin óz baqylaýyma alyp, jumysyna kúndelikti nazar aýdaryp otyramyn. Sonyń nátijesinde búgin biz ol mekemeniń qarjylyq kórsetkishin oń nátijege jetkizdik” dedi.
Eske salaiyq, buǵan deiin de mádeniet jáne aqparat ministri Aida Balaeva "Qazaqfilmge" qatysty qaýesetterge jaýap berdi.
"Bul másele tóńiregindegi negizsiz qaýeset birjola toqtatylýy tiis. «Qazaqfilmge» tiesili jerler kinostýdiia ieliginde qala beredi. Jer satylǵan joq jáne tek kinematografiia múddesi úshin paidalanylyp jatyr", dedi ministr buǵan deiin de.
