Jábirlenýshiniń densaýlyǵyna aýyr ziian keltirip, aiaǵynan aiyrylýyna sebep bolǵan júrgizýshi 15 mln teńgeden astam ótemaqy tóleýi tiis, dep habarlaidy Dalanews.kz
Bul aqparat Aqmola oblystyq sotynyń resmi paraqshasynda jazyldy. Ereimentaý aýdandyq sotynda adamnyń densaýlyǵyna aýyr ziian keltirýge ákep soqqan jol qozǵalysy erejelerin buzý deregi boiynsha qylmystyq is qaraldy.
2025 jyldyń shilde aiynda júrgizýshi jolaýshylardy Ekibastuzdan Astana qalasyna apara jatyp jolda aldyńǵy avtokólikpen soqtyǵysyp qalǵan.
Jol apaty saldarynan artqy jaqta otyrǵan, qaýipsizdik beldigin taqpaǵan jolaýshy aýyr jaraqat aldy: onyń oń aiaǵy ampýtatsiialandy, sonymen qatar, miyna qatty zaqym kelgen.
Sot anyqtaǵandai, aiyptalýshy avtokólikti sharshaǵan kúide basqarǵan, jyldamdyqty asyrǵan, alda kele jatqan kólikpen ara qashyqtyqty saqtamaǵan jáne qaýipsizdik beldigin taqpaǵan kúii jolaýshylardy tasymaldaǵan.
Júrgizýshi kinásin moiyndap, jasaǵan áreketine ókingenin bildirdi. Zardap shekken jolaýshy aiyptalýshyny bas bostandyǵynan aiyrmaýdy, tek qozǵalys erkindigin shekteý jazasyn qoldanýdy surady.
Er adamnyń kinási oqiǵa ornyn, avtokólikti tekserý, fotosýretter men jol apaty shemasy, saraptama qorytyndylary jáne is materialdarynyń basqa derekteri arqyly rastaldy.
Jazany taǵaiyndaý kezinde sot aiyptalýshynyń oń sipattamasyn, buryn sottalmaǵanyn, zardap shegýshiniń pikirin, sondai-aq, kinásin moiyndaýy men ókinýin eskerdi.
Sot úkimimen er adamǵa bir jylǵa qozǵalys erkindigin shekteý jazasy taǵaiyndalyp, probatsiialyq baqylaý ornatyldy. Sondai-aq, ol bir jylǵa kólik basqarý quqyǵynan aiyryldy.
Zardap shekken jolaýshynyń paidasyna materialdyq shyǵyn, moraldyq ziian jáne sottaǵy ókildik qyzmet úshin ketken shyǵyndar ótelip, jalpy somasy 15 million teńgeden asty. Sot sheshimi áli zańdy kúshine engen joq.
