– Bizge 36 jastaǵy elorda turǵynynan kúieýiniń soqqyǵa jyqqany týraly habarlama kelip tústi. Anyqtalǵandai, 42 jastaǵy er adam úiinde bola tura, áieline balaǵat sózder aityp, sol arqyly kámeletke tolmaǵan eki balasynyń kózinshe onyń ar-namysy men qadir-qasietine til tigizip, uryp-soqqan. Belgili bolǵandai, bul er adamnyń áieline birinshi ret qol kóterýi emes, – deidi tártip saqshylary.
Atalǵan fakti boiynsha politsiia qyzmetkerleri otbasynda janjal shyǵarǵan azamatqa qatysty QR Kodeksiniń 73-2 baby boiynsha ákimshilik hattama toltyrǵan. Budan keiin Ákimshilik quqyq buzýshylyq isteri jónindegi mamandandyrylǵan aýdanaralyq sotynyń qaýlysymen er adam 10 táýlikke ákimshilik qamaýǵa alynǵany málim boldy.
Bas qaladaǵy turmystyq zorlyq-zombylyq pen quqyq buzýshylyqtyń aldyn alýdy kúsheitý maqsatynda elordalyq politsiia basqarmasynyń qyzmetkerleri jan-jaqty jumys istede.
Eger siz zorlyq-zombylyq qurbany bolsańyz, dereý 102 telefony nemese áielderdi zorlyq-zombylyqtan qorǵaý bóliminiń 8-(7172)-71-60-63 senim telefony arqyly politsiiaǵa habarlasýyńyzǵa bolady.
