"Memlekettik komısıa eldegi epıdemıologıalyq jaǵdaıdy turaqtandyrý jónindegi sharalardy bekitti. Óz tarapymnan, Shyǵys Qazaqstanda 1700 ınfeksıalyq, 2500 provızorlyq jáne karantındik tósekter, sondaı-aq qarqyndy terapıa palatalary daıyn ekendigin aıtqym keledi.
⠀
Óńirde jedel medısınalyq kómek qyzmeti kórsetilmeıtin eldi meken joq. Medısınalyq mekemeler men atqarýshy bıliktiń ózara is-qımylynyń barlyq algorıtmi bekitilip, pysyqtaldy.
Oqıǵa damýynyń eń jaǵymsyz senarıine jol bermeý úshin biz 5-shildeden bastap Óskemen jáne Semeı qalalaryn jabamyz. Qalalar men aýdandarda turǵyndar men kólikterdiń qozǵalysyn barynsha azaıtamyz. Munyń bári koronavırýs ınfeksıasynyń taralýyna jol bermeý úshin jasalatyn áreket. Tek ózin-ózi oqshaýlaý ǵana COVID-19 qarsy kúrestiń pármendiligin kórsetti. Karantındik sharalar qatań saqtalǵan barlyq kezeńinde oblysta aýyrǵandar sany 135 boldy. Alaıda, tek maýsym aıynda bul kórsetkish 710 adamǵa artty.
⠀
Sondyqtan qozǵalysty shekteý sharalaryn osy demalysta bastaǵan asa mańyzdy. Bizge baılanys tizbegin úzý qajet! Qalypty ómirge tezirek oralýymyz kerek. Biraq, oǵan joǵary jaýapkershilik tanytqan jaǵdaıda ǵana qol jetkize alamyz.
⠀
Bul rette aıta keteıin, kásiporyndar, azyq-túlik dúkenderi, dárihanalar, bankter, HQO (qysqartylǵan keste boıynsha) jumysyn jalǵastyrady. Biz engizilgen karantındik sharalardyń saldarynan bıznesti barynsha qorǵaýǵa tyrysamyz. Sizderdi taǵy bir márte bul sharalarǵa túsinistikpen qaraýǵa shaqyramyn. Eýropa elderinde ne bolǵany barshamyzdyń esimizde. Ol jaqta da bastapqy kezde adamdar qabyldanǵan qatań sharalardan nátıje bolatynyna senbedi.
⠀
Búginde áleýmettik qashyqtyq, ózin - ózi oqshaýlaý, maska rejımin saqtaý - bul adamdardyń óz qaýipsizdigi úshin jasaıtyn qadamdardyń eń azy.
⠀
Biz óz kezegimizde óńir aýrýhanalaryn qajetti tehnıkamen jáne dári - dármektermen, al dárigerlerdi qorǵanys jıyntyqtarymen qamtamasyz etý úshin barlyq múmkindikterdi jasadyq. Qazir bizdiń ortaq mindetimiz shekteý sharalaryn birge saqtaý jáne vırýstyń taralýyna jol bermeý", - dep jazdy Danıal Ahmetov Instagram-da.
