Avtojoldyń jóndelýi týrizmge tyń serpin beredi
Ulttyq ekonomika ministrliginiń málimeti boiynsha, «Nurly jol» baǵdarlamasynyń aiasynda avtojol salasyn damytý baǵytynda 17 joba júzege asyrylýda. Sonyń ishine 312 shaqyrymdyq «Taldyqorǵan – Óskemen» jáne uzyndyǵy 184 shaqyrym bolatyn «Úsharal-Dostyq» avtojoldary da engizilip otyr.
Qazirgi kezde atalmysh avtomobil joldaryn jóndeýdiń jobalyq-smetalyq qujattary daiyndalyp, zertteý (izyskatelnyi) jumystary júrgizilýde.
Alakól týrizmi úshin infraqurylymdy damytý asa mańyzdy. Bul isti Elbasynyń tapsyrmasyna sáikes oblys ákimi Amandyq Batalov erekshe nazarǵa alyp keledi. Máselen, buǵan deiin 2015 jyldan bastap «Jetigen-Dostyq-Jetigen» temir jol bailanysy memleket tarapynan sýbsidiialaý negizinde qolǵa alynsa, biylǵy jylǵy shildeniń 21-nen Astana men Taldyqorǵannan Úsharalǵa áýe qatynasy ashylǵan bolatyn. Endi oǵan qosa Taldyqorǵan men Úsharaldyń arasyndaǵy avtomobil joly jóndelse, týrizm úshin úlken múmkindik bolmaq.
