Almatyda aýlada oinap júrgen balany bar kúshimen júgirip kelip tepken azamat eki jylǵa bas bostandyǵynan aiyrylýy múmkin, dep habarlaidy Dalanews.kz
Belgili zańger Ádilethan Moldahan Almaty qalasynda balany tepken er adamdy qandai jaza kútip turǵanyn aitty. Ol qamaýǵa alynǵan azamatty zań normasy boiynsha úsh táýlikten keiin bosatatynyn, sodan keiin úiqamaqta bolatynyn túsindirdi.
"Qylmystyq kodekstiń 108 baby 2-tarmaǵy boiynsha qamalǵan azamat eki jylǵa bas bostandyǵynan aiyrylýy múmkin. Biraq ol jazasyn jalpy rejimdegi koloniiada emes, ary ketse qonystaný koloniiasynda (koloniia poselenie) óteidi. Bul - ádil jaza emes",- deidi zańger.
Bul árekettiń qasynda kóshedegi buzaqylyqtyń jazasy qatań. Bizdiń elde bala, áiel adamdar zardap shekkende zańnyń osyndai solqyldaq tustary da bar degen pikirde maman.
