Saılaýaldy úgit toby baǵdarlamalaryn tanystyryp, onyń negizgi baǵyttaryn atap ótti.
Saty aýyly turǵyndarynyń negizgi kásibi – aýyl sharýashylyǵy. Munda memleket qoldaýynyń nátıjesinde kásibin ilgeriletip otyrǵandar da bar.
Kezdesý barysynda turǵyndar salaǵa qatysty suraqtaryn qoıyp, saılaýaldy baǵdarlamamen de tanysty. Ondaǵy agrarly salany damytýǵa qatysty baǵyttar nazarǵa alyndy.
– Jańa bıznes-ıdeıalardy júzege asyrý úshin memlekettik granttar arqyly kásipkerlerdi qoldaýǵa búdjetten qarjy bólemiz. Shaǵyn bıznesti yntalandyrýǵa úshin jaǵdaı jasaımyz. Munymen qosa, jer máselesin sheshemiz. Bul turǵyda jaıylym, sýarmaly alqaptyń halyqqa jetkilikti bolýyn qarastyramyz. Sýarý júıelerin jóndeýge kóńil bólemiz, − dedi kezdesýde Janarbek Áshimjanov.
Kandıdattar partıanyń 2027 jylǵa arnalǵan baǵdarlamasynda aýyldyń áleýetin kóterýdiń negizgi baǵyttaryn usynatyndaryn atap ótti. Sonyń ishinde, jastar máselesin de qamtyp otyr. Aýyldardaǵy túrli sala mamandarynyń tapshylyǵyn joıýǵa kúsh salady.
Budan bólek, Janarbek Áshimjanov pen Talǵat Baıedilov aýdanǵa qarasty Qarqara, Jalaǵash, Kegen aýyldarynyń da turǵyndarymen kezdesip, úgit-nasıhat júrgizdi.
Almaty oblystyq máslıhaty depýtattarynyń saılaýynda partıalyq tizimdi usynǵan «AMANAT» partıasy Saılaý qorynyń qarajatynan tólendi
