Atap aitqanda, bul shara QR Prezidentiniń Májilis depýtattarynyń merziminen buryn sailaýyn ótkizý týraly sheshimine orai uiymdastyryldy.
Sezd qatysýshylary «Aýyl» HDPP-nyń «Aýyl dástúrin jańǵyrtamyz» atty sailaýaldy baǵdarlamasyn tanystyryp, sondai-aq máslihat depýtattarynyń sailaýyna qatysý baǵytyn talqylady. Delegattar álem ǵalamdyq ekonomikalyq qaita qurýdyń aldynda turǵanda, geosaiasi jaǵdai barynsha qyraǵylyqty, jedel jaýap qatýdy talap etetinin atap ótti.
«Osy baǵytta elimiz úshin turaqtylyq pen erteńgi kúnge degen nyq senim jáne úzdiksiz jumys úderisi mańyzdy. Al sailaýshylar zańnamalyq biliktiń bar sheshimi tiimdi oryndalaryna senimdi bolýy kerek. Sonymen qatar, elimiz syrtqy faktorlarǵa bailanysty týyndaǵan ekonomikalyq daǵdarysty barynsha tiimdi eńserýi mańyzdy»,-deidi olar.
«Aýyl» partiiasynyń músheleri aldaǵy sailaý naýqany halyqty uiymdastyratyn, turaqtylyq pen kelisimdi saqtaityn, sonymen qatar patriotizmdi nyǵaitatyn mańyzdy qadam dep biledi.
Atap aitqanda, delegattar QR Parlamenti Májilisiniń depýtattaryn merziminen buryn sailaýǵa qatysý týraly sheshim qabyldady. Osyǵan orai, zańnama talaptaryna sai 19 adamnan turatyn úmitkerlerdiń partiialyq tizimin bekitti.
Derekkóz: Qazaqparat
