QR Parlamenti Májilisiniń depýtattyǵyna «Aýyl» HDPP atynan túsetin kandidattar «Ónimder sórelerde óspeidi» taqyrybynda uiymdastyrylǵan fotokórme aiasynda qala turǵyndaryna partiia sailaýaldy baǵdarlamasynyń negizgi baǵyttaryn túsindirdi. Partiianyń azyq-túlik baǵalaryn turaqtandyrý boiynsha qoldanatyn tásilderi jaily aitty. Azyq-túliktiń shyǵý tórkininen túsinigi joq, el azyq-túlik qaýipsizdigin dúken qamtamasyz etedi dep esepteitin búgingi býynnyń jetesine jeterdei úgit-nasihat jumystaryn júrgizdi.
– Azyq-túlik sórelerde óspeidi, sórelerde baǵa ósedi. Onyń nelikten ósetinin jáne ony qalai turaqtandyrýǵa bolatynyn «Aýyl» partiiasy jaqsy biledi. Salalyq memlekettik organdar men jalpy Úkimet úshin negizgi jáne birinshi kezektegi mindet óndiris kólemin, ásirese ekologiialyq taza ónim kólemin ulǵaitý, sondai-aq aýyl sharýashylyǵy óndirýshileri úshin qaita óńdeý men logistikalyq infraqurylymdy jolǵa qoiý bolýy tiis. Ónimder sórelerge tikelei túsýi kerek. Biz Májiliske barǵanda azyq-túlik naryǵynan artyq deldaldardy yǵystyrý úshin bar kúshimizdi salamyz. Fermerlerdi iri saýda ortalyqtaryna múmkindiginshe jaqyndatamyz. Partiianyń Parlament Májilisine umtylýyndaǵy basty sebepteriniń biri – osy, – dedi QR Parlamentiniń Májilisi sailaýyna «Aýyl» partiiasy atynan túsetin kandidat Aibyn Tórehanov.
Metroda ótip jatqan fotokórmege nazar aýdaryp, kandidattardyń úgit-nasihatyna qulaq túrgen jolaýshy qalalyqtar aitylǵandarǵa qyzyǵýshylyq tanytyp, qoldaý bildirdi. Kandidattar azyq-túlik óndirý isiniń baiybyna barmaityn, ony ońai sharýa dep oilaityn qala jastaryna adam arqaýy astyń dúken sórelerine qandai eńbekpen keletinin fotokórme arqyly qyzyqty formatta kóz aldaryna keltirip, sanalaryna sáýlelei quiyp, synadai qaǵyp berdi.
