Aýyl ákimi bastaǵan memqyzmetkerler jolda qalǵan 70-ke jýyq jolaýshyny qutqarǵan
Aǵymdaǵy jyldyń 10-11 aqpanynda Berikqara aýyldyq okrýgine qarasty Maitóbe aýylynyń mańynda ornalasqan Taraz-Qarataý tas jolynda shamamen 35 avtokólik pen 70 turǵyn kúshti boran saldarynan qar qursaýynda qaldy.
Aýyldyq okrýg ákimi Erbol Tamdybekuly ákimdik qyzmetkerleriniń jumysyn joǵary deńgeide uiymdastyryp, qutqarý jumystaryn júrgizý barysynda erekshe kózge tústi.
Atap aitqanda, Qarataý-Taraz avtomagistraliniń boiynda qasynda eki nemeresi bar aýyl turǵynynyń jolda qalǵany týraly habarlama kelip túsken. Azamattardy qutqarý maqsatynda jolǵa shyqqan aýyldyq okrýg ákiminiń qyzmettik kóligi jolda aq boran saldarynan qardyń astynda qalady. Alaida sheshimdi áreketiniń arqasynda Erbol Tamdybekuly eki nemeresimen jolda qalǵan azamatty jaiaý izdep júrip tapqan. Atalǵan jerdiń kordinattaryn okrýg apparatynyń qyzmetkerlerine uialy telefon arqyly jetkizgennen keiin ákimdik qyzmetshileri tez arada arnaiy tehnika uiymdastyryp, jolda qalǵan azamattardy qaýipsiz jerge jetkizgen.
Tótenshe jaǵdailar qyzmetkerleri kelgenshe aýyldyq okrýg ákimi jolda qalǵan ózge azamattardy óz kúshimen izdestirýdi jalǵastyryp, jol ústinde túnegen. Osy ýaqytta okrýg ákimdiginiń qyzmetkerleri borannan aman qalǵan azamattardy aýylda ornalasqan meshit pen orta mektepke ýaqytsha ornalastyrý jumystarymen ainalysady. Tań ýaqytymen Tótenshe jaǵdailar bóliminiń arnaiy avtokóligimen aýylǵa jetkizilgen ákim aldymen qar qursaýynan qutqarylǵan azamattarmen kezdesip, olardy ystyq shai, tamaq jáne t.b. kerek-jaraqpen qamtamasyz etti.
Osylaisha jolda qalǵan 70-ke jýyq azamat qutqarylyp, olarǵa alǵashqy kómek kórsetilgen. Okrýg ákimdigi men tótenshe jaǵdailar qyzmetkerleri jáne de aýyl turǵyndarynyń arqasynda 35 shaqty avtokólik jol jieginen shyǵarylyp, ielerine tapsyryldy.
QR MQIA tóraǵasy arnaiy joldaǵan alǵys hatty Jambyl oblysy boiynsha aýmaqtyq departamentiniń basshysy, Ádep jónindegi keńes tóraǵasy Lesbek Ilebaev tabystady.
Erbol Smailov Jambyl oblysynda dúniege kelgen. Memlekettik qyzmette 8 jyl eńbek ótili bar. Búginde úsh ul men bir qyz tárbielep otyr.
https://www.youtube.com/watch?v=FIW1HoVqJgI
