«Talıban» qozǵalysy Aýǵanstan astanasy Kabýlge basyp kirgennen keıin ólkeden qashyp ketken prezıdent Ashraf Ǵanı otbasymen Birikken Arab Ámirligine (BAÁ) barǵany belgili boldy. Bul týraly BAÁ syrtqy ister mınıstrligi málimdedi, – dep habarlaıdy Dalanews.kz.

Onda Ǵanı otbasymen «gýmanıtarlyq maqsatta» ólkege kirgizilgeni aıtylǵan.

70 jastaǵy Ashraf Ǵanı 15 tamyzda Kabýldy «Talıban» qozǵalysy basyp kirgennen keıin elden qashyp ketken. Ol Feısbýk paraqshasyna «qan tógis boldyrmas úshin osyndaı qadamǵa barǵanyn» jazdy.

Basylymdar onyń ózimen birge memlekettiń mıllıondaǵan dollar qarjysyn alyp ketkenin jazyp jatyr.