Kezdesýde Qazybek bi aýyl okrýginiń ákimi Dáýlet Orazov jyl basynan bergi atqarylǵan jumystardyń barysyn baiandady. 7 iri eldi mekennen quralǵan okrýgte búginde 2256 otbasy iaǵni 16895 halyq turady. Jurttyń negizgi kún kórisi – eginshilik.
Jalpy jer kólemi 8816 gektardy quraidy. Onyń 7573 gektary sýarmaly egistik sanalasa, biyl 4990 gektaryna maqta dáni sebilgen. Sharýalarǵa búginge deiin 1259 tonna tyńaitqysh úlestirilip berilgen. Alaida atalǵan okrýgke qarasty egistik jerlerdiń 3582 gektary ǵana elektrondy kartaǵa engizilipti. Naqtyraq aitsaq, 337 sharýa qojalyǵynyń 170-niń jer iesi tabylmai jatyr eken. Máselege qanyqqan aýdan ákimi aýyl okýrginiń basshysyna tsifrlandyrý jumystaryń óte baiaý ári nátijesiz júrgizilip jatqanyna syn aitty.
– Qurmetti jerlester! Búginde aýyl sharýashylyǵy jerlerin qaita qujattandyrý iaǵni tsifrlandyrý úderisi júrip jatyr. Bul sharýalardyń jumysyn edáýir jeńildedetin bolady. Bir sózben aitqanda, elektrondy kartaǵa engen jer ieleri ǵana memleket tarapynan beriletin jeńildikterge esh qiyndyqsyz qol jetkize alady. Al, bul naýqanǵa nemquraily qaraǵan sharýalar barlyq múmkindikterden shet qalyp ketý qaýpi bar. Sondyqtan barlyǵyńyz aýyl okýrgi ákimimen birlese otyryp, ieliktegi jerlerińizdi zańdastyryp alyńyzdar, –dedi Jamantai Qanaiuly.
Aýdan basshysy aýyl okýrigi ákimine egistik jerlerdi qaita qujattandyrý jumystaryn 1-shi qazanǵa deiin tolyq ári naqty aiaqtaýdy tapsyrdy. Sondai-aq, K-26 kanalyn memleket menshigine ótkizý isin jedeldetýdi júktedi. Budan bólek, aýyl okrýginiń damý josparyn ázirlep, aldaǵy jyly iske asýy tiis jobalardyń jai-kúiin surastyrdy. Okrýg ákimi 2019 jyly 9 kósheniń kúrdeli jóndeý jumystaryna smetalyq qujattarynyń daiyn ekenin jetkizdi. Sonymen qatar, 11 kóshege tas tóseý jumystary josparlanyp otyr eken. Aita keteiik, búginde Qazybek bi aýyl okýrginde bas-aiaǵy 120 kóshe bar bolsa, onyń 40 paiyzy ǵana talapqa sai keledi. Sondai-aq, aldaǵy jyly okrýg turǵyndaryn aýyz sýmen qamtyp otyrǵan 11 munaranyń 5-eýi jańartylatyn bolady.
Jiyn barysynda aǵyn sý baǵasy, tabiǵi gaz, sport alańshalary, aýyl ishilik kóshelerdiń boilaryn abattandyrý máseleleri de sóz boldy. Turǵyndardyń ótinish-tilekterin tyńdaǵan aýdan basshysy kóterilgen máselerdiń aldaǵy jyldary sheshimin tabatyndyǵyn jetkizip, aýyl okýrgi ákimine naqty tapsyrmalar júktedi.
Jetisai aýdany ákiminiń baspasóz qyzmeti
