Atyraý oblysynda balyq sharýashylyǵy salasynda 147 mln teńgeden astam biýdjet qarajatynyń negizsiz jumsalýynyń aldyn alyndy, dep habarlaidy Dala News.
Oblys prokýratýrasynyń málimetinshe, biýdjet qarajatynyń maqsatty paidalanylýyna turaqty túrde taldaý júrgiziledi.
Tekserý barysynda «Atyraý bekire balyq ósirý zaýyty» memlekettik kásiporny 2026 jylǵy 23 aqpanda memlekettik satyp alý portalynda bekire tuqymdas balyqtardyń ýyldyryǵyn satyp alýǵa arnalǵan habarlandyrý jariialaǵany anyqtalǵan. Satyp alý somasy 147,4 mln teńgeni quraǵany aityldy.
Alaida «Janýarlar dúniesin qorǵaý, ósimin molaitý jáne paidalaný týraly» zańnyń 11-1-babyna sáikes, memlekettik kásiporyndarǵa bekire tuqymdas balyqtardyń ýyldyryǵyn satyp alýǵa ruqsat berilmeitini kórsetilgen.
Soǵan qaramastan, zaýyt ózine júktelgen mindetterge qaishy keletin áreketke baryp, ýyldyryqty zańdy tulǵalardan naryqtyq baǵamen satyp alýdy josparlaǵany jáne memlekettik satyp alýdy negizsiz uiymdastyrǵany anyqtaldy.
Tabiǵat qorǵaý prokýratýrasynyń qadaǵalaý aktisi negizinde atalǵan memlekettik satyp alý rásimi joiylyp, nátijesinde 147 mln teńge kólemindegi biýdjet qarajaty únemdelgeni habarlandy.
Qadaǵalaý organy balyq sharýashylyǵy salasyndaǵy zańdylyqtyń saqtalýy turaqty baqylaýda ekenin atap ótti.
