Atyraý taǵy da tútinge tunshyǵyp jatyr. Oblys ákimdiginiń málimetinshe, jaǵdaıǵa baılanysty ákimniń tapsyrmasymen jedel shtab otyrysy ótti. Oǵan oblys ákiminiń orynbasary Qaırat Nurtaev tóraǵalyq etti, dep habarlaıdy Dalanews.kz.

Shtabtyń basty maqsaty – qalada taraǵan tútin men kúıik ıisiniń sebebin anyqtap, órt oshaqtaryn joıý. Monıtorıń nátıjesinde tútinniń shyǵý sebebi "Sasyq saı" býlaný alqabynyń mańyndaǵy órtten bolǵany belgili boldy. Bul aýmaq Kaspıı teńizi jaǵynan shamamen 20 shaqyrym jerde ornalasqan.

Órtti sóndirýge Tótenshe jaǵdaılar departamentiniń jeke quramy men arnaıy tehnıkasy tartylǵan.