Atyraý oblysynda joǵalǵan otbasynyń eki adamy óli tabyldy, dep habarlaidy Dalanews.kz
Qyzylqoǵa aýdanynda Atyraý oblysy aýmaǵynda habar-osharsyz ketken erli-zaiyptynyń máiitteri tabyldy.
Qazir taǵy eki joǵalǵan adamnyń júrgen jerin anyqtaý boiynsha izdestirý sharalary jalǵasyp jatyr.
"Bul derek boiynsha adam óltirý belgilerimen qylmystyq is qozǵaldy. Kúdiktilerdiń jeke basy anyqtaldy. Qazir olardy izdeý jáne ustaý maqsatynda quqyq qorǵaý organdary tiisti jedel izdestirý is-sharalaryn júrgizip jatyr. Tergeý múddesine bailanysty qazir ózge aqparat jariia etilmeidi", - dep jazylǵan habarlamada.
Eske salaiyq, buǵan deiin Atyraý oblysynda bir otbasy izdestirilip jatqany habarlandy. Politsiiaǵa aryz 25 jeltoqsanda túsken.
