Atyraý fýtbol klýby jańa iesin tapty. Klýb 75,2 mln teńgeden saýdaǵa shyǵarylyp, nátijesinde 77 mln teńgege satyldy, dep habarlaidy Dalanews.kz.
Ashyq konkýrs qorytyndysy boiynsha «Caspian Football Group» JShS jeńimpaz atandy. Kompaniiany basqaratyn Aibek Tleýjan aimaqqa belgili kásipker Bolat Qonarbaidyń múddesin tanystyrady. Bul týraly Atyraý oblysy ákimdigi habarlady.
Bolat Qonarbai – Atyraý oblysynyń týmasy. Ol «Bolat-Jol» kompaniiasyna ózi jáne «Sátti Meken» JShS arqyly ielik etedi.
«Bolat-Jol» – temirjol tasymaly, lokomotiv pen vagon jóndeý, manevrlik jumystar jáne qurylys materialdaryn satý baǵytynda jumys isteitin iri kólik-logistikalyq kompaniia. Al «Sátti Meken» JShS turǵyn úidi jalǵa berý jáne basqarýmen ainalysady.
