Ózbekstanda átesh tóbelesin uıymdastyrýshy ustaldy, dep habarlaıdy Dalanews.kz.
Bıyl 24 qańtarda Namangan oblysy Iangı-Namangan aýdanynda ishki ister organdary arnaıy jedel is-shara ótkizgen. İs-shara barysynda «Gúlistan» mahallasynyń turǵyny óz úıinde átesh tóbelesin uıymdastyrǵany anyqtaldy.
Tekserý kezinde onyń úıinde átesh tóbelesin kórý jáne qatysý úshin 121 adam kelgeni belgili boldy. Olardyń 12-si ózderimen birge átesh ákelip, jarysqa qatysý úshin árqaısysy 1 mıllıon sýmnan tólegen.
Bul derek boıynsha uıymdastyrýshyǵa Ózbekstan Respýblıkasynyń Qylmystyq kodeksiniń «Qumar oıyndar men táýekelge negizdelgen ózge de oıyndardy uıymdastyrý jáne ótkizý» babynyń 1-bóligi boıynsha qylmystyq is qozǵaldy.
Er adamǵa 7 jylǵa deıin bas bostandyǵynan aıyrý jazasy qaýpi tónip tur.
