Jıyntyqtardyń quramyn QR Densaýlyq saqtaý mınıstrligi aıqyndady jáne oǵan termometrler, maskalar, dezınfeksıalyq quraldar jáne steroıd emes qabynýǵa qarsy preparattar kiredi.
Alýshylarǵa dári-dármek qobdıshalaryn jetkizýdi qalalyq nemese aýdandyq jumyspen qamtýdy úılestirý jáne áleýmettik baǵdarlamalar bólimderi jáne aýyldyq ákimdikter júzege asyrady.
Bul shara qıyn materıaldyq jaǵdaıdaǵy otbasylardyń ekonomıkalyq aýyrtpalyqtaryn azaıtýǵa múmkindik beredi dep josparlanýda.
– Bul halyqtyń eń osal tobyna qoldaý kórsetýge baǵyttalǵan mańyzdy ári qajetti joba. Biz bul dári-dármek qobdıshalary azamattarymyz úshin COVID-19 aýrýynyń aldyn alýda kómek bolady dep úmittenemiz, – dep atap ótti QR Eńbekmıni Áleýmettik kómek saıasatyn damytý departamenti dırektorynyń orynbasary Ǵalıa Jabagına.
AÁK alýshylardy medısınalyq jıyntyqtarmen qamtamasyz etý jónindegi joba Azıa Damý Bankiniń (budan ári – ADB) qarjylyq qoldaýymen iske asyryldy, BUU Damý baǵdarlamasynyń (budan ári – BUUDB) keńsesi satyp alý operatory bolyp tabylady.
– Álemdegi birde-bir uıym jáne birde-bir el pandemıany jalǵyz ózi jeńe almaıtyny anyq boldy. ADB BUUDB jáne damý jónindegi basqa da seriktestermen tyǵyz yntymaqtasa otyryp, Qazaqstan Úkimetine pandemıaǵa qarsy kúreste qoldaý kórsetýdi jalǵastyrýda. Osy joba aıasynda biz eń osal otbasylardy qoldaımyz, Qazaqstanǵa vırýstyń taralýyn tejeýge jáne pandemıany jeńýge kómektesemiz, – dedi ADB-nyń Qazaqstandaǵy ókildiginiń basshysy Narıman Mannapbekov.
«ADB - men birlesip, ulttyq densaýlyq saqtaý júıesiniń tótenshe jaǵdaılarǵa turaqtylyǵyn nyǵaıtýǵa kómektesemiz. Bul joly biz Densaýlyq saqtaý mınıstrligi men Eńbek jáne halyqty áleýmettik qorǵaý mınıstrligine dári-dármekter men jeke qorǵaný quraldaryn satyp alýǵa qoldaý kórsettik», – dep atap ótti BUUDB-nyń Qazaqstandaǵy Turaqty Ókili Iakýp Berısh.
Osy jobany iske asyrý 2015 jyly BUU Bas Assambleıasy «barlyq azamattar úshin jarqyn jáne neǵurlym turaqty bolashaqqa qol jetkizý jospary» retinde ázirlegen ornyqty damý maqsattaryna sáıkes keledi.
