27-28 mamyr Qytai astanasy Beijińde «Atameken» UKP Basqarma Tóraǵasy Raiymbek Batalov bastaǵan delegatsiia investitsiia jármeńkesin aralady.
Jármeńkeniń árbir sessiiasy bir alańda 96 memleket pen 2,2 myń kásipkerdi biriktiredi.
Atalmysh jármeńkede jańa jahandyq damý múmkindikteri men investitsiialyq jospardy ázirleýge basymdyq berilgen. Dálirek aitsaq, aimaqtyq yntymaqtastyqqa, óndiris oryndaryn bailanystyrýǵa, tehnologiialyq innovatsiialarǵa, jasyl jobalarǵa jáne jasandy intellekt áleýetine basa nazar aýdarylǵan.
«Bir beldeý, bir jol» jobasynyń seriktesi retinde Qazaqstan Respýblikasyn bul alańda erekshe iltipatpen qarsy aldy.
«Qytai men Eýraziia aimaǵy arasyndaǵy jańa investitsiialyq damý» sessiiasynda sóz sóilegen Raiymbek Batalov Qazaqstan-Qytai yntymaqtastyǵynyń joǵary kórsetkishteri týraly baiandady.
Ótken jyldyń sońynda qos el ekijaqty saýda kólemin 30 paiyzǵa arttyryp, 31,5 milliard dollarlyq jetistikke jetip, tarihi rekordty jańartty.
Sondai-aq, UKP tóraǵasy sessiiaǵa qatysýshylardy Qazaqstan ekonomikasynyń damýynyń negizgi baǵyttarymen jáne onyń artyqshylyqtarymen tanystyrdy. Atap aitqanda:
-atom energiiasynyń jáne jańartylatyn energiia kózderiniń áleýeti;
-gaz tasymaldaý júiesin keńeitý;
-óńdeýshilerge jeńildetilgen baǵamen metaldardy tereń óńdeý.
Sondai-aq, Qazaqstan Syrtqy saýda palatasynyń tóraǵasy Murat Qarymsaqovtyń málimeti boiynsha elimizdiń barlyq investitsiialyq múmkindikterin tanystyrý maqsatynda Qytaidaǵy kásipkerlermen, iri qorlardyń jáne ulttyq kompaniialardyń ókilderimen kezdesýler ótti.
Nátijesinde HENAN ZHENGZHOU MINING MACHINERY CO., LTD kompaniiasy táýligine 200 tonna ák shyǵaratyn peshti Túlkibas ák zaýytyna satyp alý jáne ony odan ári jańǵyrtý týraly kelisimge keldi.
Odan soń Raiymbek Ánýaruly jármeńkeni uiymdastyrǵan Chinese Overseas Development Association (CODA) tóraǵasy He Chjenveimen kezdesti.
Aita keteiik, bul Raiymbek Batalov pen He Chjenveidiń birinshi kezdesýi emes. Byltyr tamyz aiynda «Atameken» UKP ekijaqty investitsiialar úshin ózara jaǵdai jasaýǵa arnalǵan yntymaqtastyq týraly memorandýmǵa qol qoiǵan bolatyn.
Elimizdiń atalmysh investitsiialyq jármeńkege qatysýy qytailyq investorlardyń Qazaqstanǵa degen qyzyǵýshylyǵynyń artyp kele jatqanyn kórsetedi.
