Astananyń ortalyǵynda qoǵamdyq orynda dáret syndyrǵan shetel azamattaryna Qazaqstan aýmaǵyna bes jylǵa kirýge tyiym salyndy, dep habarlaidy Dalanews.kz.
Áleýmettik jelilerde Astanadaǵy Dostyq kóshesindegi mekemelerdiń biriniń mańynda túsirilgen video tarady. Kadrlarda sheteldik azamattyń kúndizgi ýaqytta qoǵamdyq orynda tabiǵi qajettiligin ótep turǵany kórinedi.
Politsiia qyzmetkerleri quqyq buzýshylardyń jeke basyn anyqtady. Olar 35 jáne 49 jastaǵy eki shetel azamaty bolyp shyqqan.
Alaida olardyń tulǵasy anyqtalǵan kezde atalǵan azamattar Qazaqstan aýmaǵynan shyǵyp úlgergen.
Soǵan qaramastan politsiia kináli tulǵalarǵa qatysty Qazaqstanǵa bes jyl merzimge kirýge tyiym salý týraly sheshim qabyldady.
Atalǵan derek boiynsha Ishki ister ministrligi Syrtqy ister ministrligin habardar etken. Bul tiisti shekteý sharalaryn qoldaný úshin jasalǵan.
