Elorda kommýnaldyq qyzmeti qys mezgilinen keiin qalany aýqymdy sanitarlyq tazalaý jumysyn júrgizip jatyr, dep habarlaidy Dalanews.kz
Osy aýqymdy jumys aiasynda qalalyq infraqurylymnyń ártúrli nysandary tazalanyp, jýylady: qorshaýlar, aialdamalar, jaryq baǵanalary, jol belgileri, joldar, trotýarlar jáne t.b. Sonymen qatar, aýla, skverler, saiabaqtar jáne basqa da qoǵamdyq oryndarda jóndeý-qalpyna keltirý jumystary júrgizilýde.
Qalanyń barlyq aýdanynda sanitarlyq tazalaý jumysy belsendi júrgizilýde. Nura aýdanynda jergilikti aýmaqtardy tazalaý jáne retke keltirý boiynsha júieli jumys júrip jatyr. Joldar jýylyp, trotýarlar, kópirler, aialdamalar jáne qalalyq infraqurylymnyń basqa elementteri tazalanyp jatyr.
Baiqońyr aýdanynda sanitarlyq tazalaýmen qatar aýla, skver jáne saiabaqtarda jóndeý-qalpyna keltirý jumysy bastaldy. Balalar men sport alańdary, qoqys konteinerleri ornalasqan oryndar rettelip, abattandyrý elementteri qalpyna keltirilýde.
Almaty aýdanynda jumystar kúsheitilgen rejimde júrip jatyr – kúndelikti shamamen 300 jol jumysshysy men 250-den astam arnaiy tehnika jumyldyrylǵan. Joldardy jáne infraqurylymdy jýmen qatar, jasyl jelekterge kútim kórsetilip, aialdamalar sanitarlyq tazalanýda, anshlagtar men qorshaýlardyń elementterin qalpyna keltirý jumysy júrip jatyr.
Esil aýdanynda da kóktemgi jóndeý-qalpyna keltirý jumysy bastaldy. Tas tósemeler qalpyna keltirilip, D.Qonaev kóshesindegi tireý qabyrǵasynyń ústińgi taqtalary jóndelýde. Kúndelikti qalalyq infraqurylymnyń keshendi jýý jumysy júrgizilýde. Bul jumysqa 500-den astam jol jumysshysy men 200-den astam tehnika jumyldyrylǵan.
Saryarqa aýdanynda da aýqymdy sanitarlyq tazalaý júrgizilýde. Jumystar jol jabyndysyn, jer asty ótkelderin, aýla aýmaqtaryn jáne kóshe jihazdaryn qamtidy. Sonymen qatar, aialdamalar tazalanyp, abattandyrý elementteri jóndelip jatyr. Sanitarlyq tazalaýǵa 735-ten astam tehnika jáne 253 jol jumysshysy jumyldyrylǵan.
Saraishyq aýdanynda 200-den astam arnaiy tehnika men 400 jol jumysshysy jumyldyrylǵan. Qar shyǵarý, qum-topyraq pen iri qoqystardan tazartý, jol jiegin jinaý, trotýarlar men kópirlerdi jýý jumysy júrgizilip jatyr.
Qazirgi tańda qalanyń barlyq alty aýdanynda sanitarlyq tazalaý jumysy júrgizilýde. Trotýarlar men jol jabyndary arnaiy tehnikanyń kómegimen tazalanyp, kógaldy tustar jáne basqa jerler retke keltirilip jatyr.
