Ulandyqtar LRT stantsiialarynda qyzmetke kiristi, dep habarlaidy dalanews.kz.
Elorda turǵyndarynyń LRT-ǵa degen qyzyǵýshylyǵynyń artýyna bailanysty Qazaqstan Respýblikasy IIM Ulttyq ulanynyń áskeri qyzmetshileri stantsiialarda jolaýshylardyń qaýipsizdigin qamtamasyz etýde. Ulandyqtar qoǵamdyq tártipti qadaǵalaýǵa, qaýipsizdik erejeleriniń saqtalýyna, jolaýshylar qozǵalysyn retteýge kómektesedi.
Stantsiialardaǵy turaqtylyqty úilestirý qajettiligi jolaýshylar aǵynynyń jáne astanalyqtardyń jańa kólik obektisine degen suranysynyń artýyna bailanysty týyndap otyr.
Qoǵamdyq tártip áskeriniń sarbazdary stantsiialardyń ishinde ǵana emes, oǵan irgeles aýmaqtarda da qyzmet atqarady. Dálirek aitsaq, azamattarǵa kómek kórsetedi jáne jolaýshylardyń qaýipsiz qozǵalysyn qamtamasyz etedi.
Negizgi mindet — elorda turǵyndary men qonaqtary úshin qolaily jaǵdai jasaý, sondai-aq qoǵamdyq quqyq buzýshylyqtardyń aldyn alý. Azamattardyń qaýipsizdigine jáne tótenshe jaǵdailarǵa jol bermeýge erekshe nazar aýdarylady.
Qazirgi tańda qyzmet 17 stantsiiada eki aýysymdyq rejimmen júrgizilip jatyr. Stantsiialarda jolaýshylar aǵynyn retteýge jáne turaqtylyqtyń saqtalýyna basymdyq berilýde.
Atalmysh sharalar politsiia qyzmetkerlerimen, kólik qyzmetteriniń ókilderimen jáne LRT ákimshiligimen tyǵyz birlesip uiymdastyrylǵan.
