Astanadaǵy bazarda juqpaly aýrýǵa shaldyqqan maldyń eti satylǵany týraly aqparat tarady, dep habarlaidy Dalanews.kz.
Biraq messendjerler men áleýmettik jelilerde Astana qalasy «Álem» saýda ornyna sibir jarasy aýrýyna shaldyqqan mal etiniń jetkizilgeni týraly taraǵan aqparat shyndyqqa janaspaidy. Bul týraly Veterinariialyq baqylaý jáne qadaǵalaý komiteti resmi málimdedi.
Búgingi kúnge deiin elordadaǵy saýda ortalyqtarynda, sonyń ishinde «Álem» saýda ornynda juqpaly et óniminiń satylýy nemese jetkizilýi týraly eshqandai fakt tirkelgen joq. Barlyq jetkizilgen et ónimderi mindetti veterinarlyq-sanitarlyq tekserýden ótedi. Sondyqtan turǵyndardyń alańdaýyna esh negiz joq.
"Buǵan deiin biren-saran jaǵdailar tirkelgen Atbasar aýdanynda keshendi dezinfektsiialyq jumystar tolyq aiaqtaldy. Qaýipti et ónimderi belgilengen sanitarlyq tártippen joiyldy. Turǵyndar meditsinalyq tekserýden ótip jatyr. Azamattardy tek resmi derekkózderge, iaǵni, Aýyl sharýashylyǵy ministrligi men Veterinariialyq baqylaý jáne qadaǵalaý komitetiniń aqparattaryna senýge shaqyramyz.
Jalǵan aqparat taratý Qazaqstan Respýblikasy zańnamasyna sáikes jaýapkershilikke ákeletinin eskertemiz", - deidi vedomstvo ókilderi.
