Dalanews.kz aqparat agenttigi osyǵan deiin Astana qalasynyń keshendi kólik shemasynyń (KKS) tujyrymdamasy bekitilgenin jazǵan bolatyn. KKS halyqtyń jyl saiynǵy ósýin jáne kólik nópiriniń artqanyn eskerip, qalalyq kóliktiń 10 jáne odan da kóp jylǵa deiin biryńǵai tehnikalyq paiymyn ázirleýge múmkindik beretinin aita ketýimiz kerek.
Biyl tamyz aiynda Uly dala boiynda ashylǵan kópir Máńgilik el dańǵylyn, A.Baitursynov, R.Qoshqarbaev, J.Nájimedenov kóshelerindegi, Nova City aýdanynaǵy, "Myńjyldyq" alleiasyndaǵy kólik nópirin seiiltti, sol siiaqty "Nurly jol" jańa vokzalyna, Telman jáne Promyshlennyi eldi mekenderine, METRO gipermarketi mańaiyna, Jumabaev dańǵylyna, Júrgenov kóshesine qatynaityn jol ashyldy.
Sol siiaqty A62 kóshesi boiyndaǵy (A91 kóshesinen Astana-Qaraǵandy tasjolyna deiingi ýchaskede) jol qozǵalys ashylǵan-dy. Bul kóshe Qaraǵandy tasjoly men "Nurly Jol" temirjol vokzaly, sol siiaqty qalanyń sol jaǵalaýy arasyndaǵy erkin kólik qatynasyn qamtamasyz etedi.
Osylaisha, bul kóshe aýdandardy jańa kópirmen bailanystyratyn múmkindik týǵyzyp otyr.
Esil ózeni arqyly Táýelsizdik dańǵylyn jalǵaityn taǵy bir kópir 2023 jyly ashylmaqshy. Bul – kópir Táýelsizdik dańǵyly, jańa temirjol vokzaly aýdany, Qoshqarbaev dańǵyly, Nájimedenov kóshesi, Áziret Sultan meshiti aýdany, Baitursynov, Qordai, Ainakól kósheleri, Momyshuly dańǵyly men sol jaǵalaý arasynda qosymsha bailanys ornatýǵa múmkindik beredi.
Astanada ziiatkerlik kólik júiesin damytý jumysy jalǵasyp jatyr. Astanada ziiatkerlik kólik júiesin paidalaný esebinen kólik jyldamdyǵy 18%-ǵa ulǵaidy, al jol júrýdiń ortasha ýaqyty 20%-ǵa azaiǵan.
"Aqyldy" baǵdarshamdar keptelis kezinde ońtaily rejim tańdaýǵa múmkindik beredi. Osylaisha kólik qozǵalysy aitarlyqtai jeńildei túsken.
Qalada baǵdarsham nysandarynyń 40%-dan astamy ziiatkerlik fýnktsiialarmen jabdyqtalǵan. Kelesi kezeńde baǵdarsham nysandarynyń shamamen 80%-yn atalmysh júiemen qamtý josparlanyp otyr.
