Qarjylyq monitoring agenttiginiń Astana qalasy boiynsha departamenti elektron tutyný júieleri (veipter), hosh iistendirgishter men olarǵa arnalǵan suiyqtyqtardyń zańsyz ainalymyn júrgizgen iri kóterme jeliniń qyzmetin toqtatty,- dep habarlaidy Dalanews.kz.
"Jedel izdestirý is-sharalary nátijesinde 5 qoima anyqtaldy. Tintý barysynda 490 myńnan asa veip tárkilendi, olardyń satylymynan túsetin kiris 6 mlrd teńgeden asýy múmkin edi", - dedi QMA ókili.
Budan bólek kúdiktiler qylmystyq jolmen alynǵan kiristi zańdastyrý shemasyn uiymdastyrǵan.
"Olar iri somalardy qolma-qol aqshaǵa ainaldyrý jáne qylmystyq jolmen kelgen aqshanyń izin jasyrý maqsatynda bank kartalary óz atyna resimdelgen adamdardy, iaǵni droperlerdi paidalanǵan. Qylmystyq tabystyń bir bóligi shetelden kofe jetkizýge arnalǵan mámilelerge jumsalǵan, jalpy somasy 92 mln teńgeden asady", - dedi QMA ókili.
Zańsyz biznestiń uiymdastyrýshylaryna izdeý jariialandy. Tergeý jalǵasyp jatyr.
