Astanada Totaqanovtar otbasyna qatysty sot isi aiaqtalýǵa jaqyn. Olar balalarynyń emine dep alaiaqtyq jolmen qarajat jinaǵan, dep habarlaidy Dalanews.kz.
Sotta Tolqyn Totaqanova ulynyń diagnozy resmi qujattarmen rastalǵanyn, qarajat jinaý tolyq ashyq jáne erikti negizde júrgizilgenin aitty.
“Meni Perizat Qairatpen salystyrady, biraq men eshqashan sán-saltanatta ómir súrgen emespin. Bizde bankke kepilge qoiylǵan bir ǵana eki bólmeli páter bar. Basqa elitalyq páterler men kólikter joq”, - dedi Totaqanova.
Sonymen qatar aiyptalýshy keiingi birneshe jylda keibir nesie berýshiler tarapynan qysym kórsetilgenin, oǵan 700 million teńgeden astam qarjy alynǵanyn jetkizdi.
Prokýror otbasy múshelerin 7 jylǵa deiin bas bostandyǵynan aiyrýdy surady. Al Tolqynǵa kishkentai balasy bolǵandyqtan, sot úkimin oryndaýdy eki jylǵa keiinge qaldyrý usynyldy.
Tergeý derekteri boiynsha, 2020–2024 jyldary olar Instagram arqyly bir milliard teńgeden astam qarajat jinap, ony jeke qajettilikterine jumsaǵan degen kúdikke ilikti. Olarǵa 7 jylǵa deiin bas bostandyǵynan aiyrý jazasy qarastyrylǵan.
