Astanada qurylys materialdaryn óndirýshi zaýyt ashady
Búgin Astana ákimi Áset Isekeshev pen «Selena FM S.A» Direktorlar Keńesiniń tóraǵasy Kshishtof Domaretski nysandy iske qosý máselesin talqylady. Kásiporyn EO-da sertifikattalǵan syrtqy oqshaýlaǵysh júielerine arnalǵan quramdastar, kásibi qasbet syrlaryn, qasbetterge arnalǵan paidalanýǵa daiyn sylaqtar (suiyq disperstik júieler), ishki jumystarǵa arnalǵan arnaiy syrlar, armirleýshi qurylys qospalaryn, sý oqshaýlaǵyshtyǵy joǵary sylaqtar, beton bloktarǵa arnalǵan juqa qabatty qalaý eritindilerin, ózdiginen jazylatyn quiý massalaryn jáne t.b. shyǵarady.
Zaýyttyń óndiristik tsehy 5 myń sharshy metr aýmaqty alyp jatyr. Jobanyń maqsaty - básekege qabiletti joǵary tehnologiialyq óndiris qurý:
- QR qurylys salasynda innovatsiialyq jáne energiia únemdeýshi tehnologiialardy endirý;
- import almastyrýdy qamtamasyz etý jáne QR ekonomikasynyń salalaryna asa qajet qosymsha quny joǵary ónimderdiń óndirisin uiymdastyrý;
- qosymsha jumys oryndaryn qurý;
- Orta Aziia men RF-ǵa ónim eksporty úshin múmkindikter jasaý.
Zaýyttyń ónimderi ǵimarattardyń energetikalyq tiimdiligin arttyryp, aýaǵa tastalatyn CO2 kólemin azaitýǵa múmkindik beredi. Sondai-aq, ol ziiandy zattar shyǵarmaidy, ylǵalǵa, kógerýge jáne mikroaǵzalarǵa tózimdi. Quramynda ozon qabatyn buzatyn parnik gazdary joq (mysaly, HFÝ jáne GHFÝ) jáne energiia tutynýdy azaitatyn jańasha formýlalar men tehnologiialarǵa sai óndiriledi.
Joba 70 adamdy jumyspen qamtidy. Onyń óndiristik qýaty jylyna 10 000 tonnaǵa jýyq dispersiondyq, 120 000 tonna qurǵaq qospa. Ónimniń 40% eksportqa shyǵarylady.
«Selena grýpp» 1992 jyly qurylǵan jáne ónimderin álemniń 70 eline jetkizedi. Kompaniia álemdegi birkomponentti poliýretan kópirshigi óndirýshileriniń úzdik úshtigine kiredi.
