PRO.NRG FEST –bul tanymdyq otbasylyq ýıkend formatynda ótkiziletin aýqymdy ǵylymı-kópshilik is-shara. PRO.NRG FEST ekinshi jyl qatarynan Qazaqstandaǵy eń iri ǵylymı-kópshilik festıvalderiniń biri bolyp keledi.
Oqýshylar saraıynda kúni boıy leksıalar, ınteraktıvti shoýlar men qoıylymdar ótkizildi, bul otbasylardy ǵylym men tehnologıalar, qyzyqty ashylymdar men jańa bilim álemine apardy.
PRO.NRG FEST Qazaqstanda STEAM-bilim berýdi damytyp kele jatqan «Caravan of Knowledge» bilim berý qorynyń bastamasymen ótkizildi. Festıvaldi ekinshi jyl qatarynan «Shevron» kompanıasy seriktes retinde qoldap otyr. Bul kompanıa ǵylymǵa, jańa tehnologıalarǵa jáne tıimdi bilim berý sheshimderine degen qyzyǵýshylyqty ulǵaıtatyn baǵdarlamalarǵa júıeli túrde qoldaý kórsetedi.
PRO.NRG FEST-te is-árekettegi ǵalymdar men zertteýshilerdi kezdestirip, olarǵa saýaldar qoıyp jáne tipti eksperımentterge de qatysý múmkindigi boldy. Festıvál balalar men eresekterge ǵylymdy jańa qyzyqty jaǵynan qabyldaýǵa kómektesetin umytylmas tájirıbe syılady.
“Otbasylyq festıvál ekinshi jyl ótkizilip jatyr jáne ekinshi jyl barlyq jas ereksheligindegi adamdar bizdiń mısıamyzǵa qosylyp jatyr. Biz bilimge degen yntany qoldaýǵa tyrysamyz jáne zor keri baılanys alyp otyramyz. Osy joly biz elimizdiń barlyq aýmaqtarynan izdegen kóbirek qazaqstandyq biregeı spıkerlerdi shaqyrdyq – elimizdiń ártúrli jerlerinen kelgen 50-den astam ustazdar ózderiniń ınovasıalyq tásilderimen bólisedi. Sonymen qatar, biz basqa qalalardan, elderden kelgen kóptegen qonaqtardy da kórip otyrmyz, bilim men ǵylymǵa degen umtylys adamdardy sonshalyqty shabyttandyratyny qýantady”, – dep, «Caravan of Knowledge» bilim berý qorynyń jetekshisi Zarına Bıýmbaeva atap ótti.
PRO.NRG FEST – bul sondaı-aq STEAM ustazdaryna arnalǵan bilim berý jáne netvorkıngtik platforma. S – science (ǵylym), T – technology (tehnologıa), E – engineering (ınjenerıa), A – art (shyǵarmashylyq) ı M – mathematics (matematıka). Búginde STEAM-bilim berý pánaralyq jáne qoldanbaly tásilderdi qoldanýǵa, sonymen qatar, barlyq bes pándi birińǵaı bilim sulbasyna ıntegrasıalaýǵa negizdelgen.
“1993 jyly «Shevron» Qazaqstanǵa kelgen birinshi halyqaralyq energetıkalyq kompanıalardyń biri boldy. 30 jyldan astam ýaqyt biz memlekettiń munaı-gaz sektorynyń damýyn qoldap kelemiz. Sol ýaqyttan beri biz eldiń basty resýrsy – adamdardyń, ásirese, jastardyń energıasyn damytýdamyz. Olardyń tapqyrlyǵyna, shyǵarmashylyǵyna jáne sheksiz múmkindikterine biz senemiz. Bizdiń áleýmettik jobalarymyz adam kapıtalyn damytýǵa, dáýlettilikke jáne qorshaǵan ortany qorǵaýǵa baǵyttalǵan. PRO.NRG FEST-ti qoldaı otyryp, biz STEAM bilim berý aıasynda ekojúıe qalaı qalyptasatynyn kórsetkimiz keledi”, – dep, ashylymda «Shevron» kompanıasy Eýrazıalyq bólimshesiniń bas dırektorynyń orynbasary Dılan Morgan málimdedi.
Festıvál qatysýshylardy sabaqta óner men zertteýlerge arnalǵan keńistikti jasap otyrǵan ustaz-novatorlarmen tanystyrdy. Olar oqý qyzyqty jáne tıimdi bolý úshin eń aldyńǵy qatarly bilim berý tehnologıalaryn qoldanady.
“Biz PRO.NRG.FEST ǵylymı otbasylyq festıvalin bizdiń STEAM-baǵdarlamalarymyzdy iske asyrý nátıjelerin kórsetý jáne aýdıtorıany muǵalim-novatorlardyń sátti keısterimen tanystyrý úshin de ótkizemiz. Festıvál ǵylym men mektep pánderi qyzyqty ári kóńildi bola alatynyn kórneki kórsetedi. Biz osyndaı festıvalder ótkizýdi basqa qalalar men kompanıalar qostap áketetin trendke aınaldyrǵymyz keledi”, – dep «Shevron» kompanıasyndaǵy Eýrazıalyq bólimshesiniń áleýmettik ınvestısıalar jónindegi keńesshisi Leıla Aıtmýhanova atap ótti.
Bıylǵy jyly PRO.NRG FEST-tiń bóligi Science on Stage Europe ulttyq kezeńiniń fınaly
boldy. Bul netvorkıngke arnalǵan halyqaralyq alań jáne álemniń túkpir-túkpirinen kelgen muǵalimder ǵylymı pánderin oqytýdaǵy ózderiniń ozyq tájirıbelerimen bólisýge arnalǵan saıys. Festıválde 2024 jyly Fınlándıanyń Týrký qalasynda ótetin Science on Stage Europe jahandyq fınalynda bizdiń oqytýshylar qaýymdastyǵy atynan qatysatyn jeńimpazdar anyqtaldy.
