«Astyq qoimalary» JShS ókildikteriniń direktory sottaldy, - dep habarlaidy Dalanews.kz.
Astana qalasynyń qylmystyq ister jónindegi aýdanaralyq soty «Astyq qoimalary» JShS «№2 Nan bazasy» jáne «№5 Nan bazasy» ókildikteriniń burynǵy direktory M.E. Júsipovke qatysty úkim shyǵardy.
Ol 160 mln teńgeden astam somaǵa azyq-túlik astyǵynyń memlekettik rezervtik qoryn jymqyrǵany jáne onyń 118 mln teńgeden astam somaǵa 996 tonna mólsherinde búlinýine ákep soqqan nemqurailylyǵy úshin kináli dep tanyldy.
Sot úkimimen múlki tárkilenip, 8 jyl 5 ai merzimge bas bostandyǵynan aiyrý jazasy taǵaiyndaldy.
Sonymen qatar, memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan aiyryldy.
Úkim zańdy kúshine engen joq.
Konstitýtsiianyń 77-baby 3-tarmaǵynyń 1-tarmaqshasyna jáne qylmystyq-protsestik kodekstiń 19-baby 1-bóligine sáikes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árqaisysy kinásiz dep esepteledi.
