Astana politsiiasy atyshýly qonaqúi mańyndaǵy káriz qubyrynan óli náreste tabylýyna bailanysty kúdiktini ustady. Kúdikti 29 jastaǵy áiel bolyp shyqty, dep habarlaidy dalanews.kz.
Orda.kz jazýynsha, buǵan deiin elordanyń bir aýdanyndaǵy turǵyndar áleýmettik jelide dabyl qaqqan edi. Olardyń aitýynsha, turǵyn úilerdiń mańyndaǵy káriz júiesinen shala týǵan qyz balanyń denesi tabylǵan.
Turǵyndar bul qylmysqa jaqyn mańdaǵy qonaqúige kelýshilerdiń qatysy bolýy múmkin ekenin aitqan. Jergilikti halyq birneshe jyldan beri atalǵan nysandaǵy turaqty shý, tóbeles jáne esirtki ordasy bolýy múmkin degen kúdikke bailanysty shaǵymdanyp kelgen.
Astana qalasynyń Politsiia departamenti kúdiktiniń anyqtalyp, ustalǵanyn málimdedi.
"Atalǵan derek boiynsha 29 jastaǵy áiel ustaldy. Sotqa deiingi tergeý júrgizilip jatyr", – dep habarlady vedomstvo.
