Astanada «Juldyzai» jáne «Aiaýlym» qarjy piramidalaryn uiymdastyrý isi boiynsha úkim shyǵaryldy, dep habarlaidy Dalanews.kz.
Tergep-tekserý isi Qarjylyq monitoring agenttiginiń Astana qalasy boiynsha departamentimen júrgizildi.
Tergeý barysynda kúdiktiler ózderin áleýmettik jelilerde tabysty kásipkerler retinde tanystyryp, azamattarǵa tenderlerge qatysý arqyly tez tabys tabý shemasyn usynǵany anyqtaldy.
Investitsiianyń eń tómengi somasy 1 mln teńgeden bastalyp, 40 kún ishinde usynylǵan tabys 90%-dan asatyny aityldy.
Sonymen qatar, salymshylar ár jańa tartylǵan qatysýshy úshin jarnasynan 10% qosymsha paida alǵan.
Nátijesinde qarjy piramidasyna 60 adam tartylyp, jalpy shyǵyn 490 mln teńgeden asty.
Sonymen qatar, kúdiktilerdiń biri salymshylardyń qarajatyna elordanyń premiým sanatyndaǵy quny 69,5 mln teńge turatyn páter satyp alyp, qaiynen esine resimdegen.
Alaida sotqa deiingi tergeý bastalǵanyn bilgen soń, múlikti tárkileýden jasyrý maqsatynda úshinshi tarapqa rásimdep úlgergen.
Degenmen, tergeý barysynda bul mámileniń jalǵan ekendigi dáleldenip, sot sanktsiiasymen múlikke tyiym salyndy.
Tergeý barysynda kúdiktiler jábirlenýshilerge 72 mln teńge kóleminde shyǵyndy ótedi.
Sot úkimimen qarjy piramidasynyń uiymdastyrýshylary QR QK 217-baby 3-bóliginiń 2-tarmaǵy («Qarjy piramidasyn qurý jáne basqarý»), al kúdiktilerdiń biri qosymsha QR QK 218-baby 1-bóligi («Qylmystyq jolmen alynǵan aqshany zańdastyrý») boiynsha kináli dep tanyldy.
Olarǵa 5 jyldan 7 jylǵa deiin bas bostandyǵynan aiyrý jazasy taǵaiyndaldy.
Qylmystyq jolmen alynǵan qarajatqa satyp alynǵan páter men avtoturaq tárkilenip, jábirlenýshilerdiń azamattyq talaptaryn óteý úshin berildi.
