Astanada Býrabai demalys aimaǵyndaǵy balalar lagerine jalǵan joldamalar usynǵan alaiaq ustaldy. Ol aldyn ala tólem alyp, keiin bailanysqa shyqpai qoiǵan, dep habarlaidy Dalanews.kz.
Polisia.kz málimetinshe, Astanada áleýmettik jeli arqyly adamdarǵa Býrabaidaǵy balalar lagerine jalǵan joldamalar usynyp, alaiaqtyq jasaǵan kúdikti ustaldy.
Tergeý málimetteri boiynsha, 23 jastaǵy kúdikti Zhastar_camp ataýymen áreket etip, tutynýshylardan bank kartasyna aldyn ala tólem talap etken. Aqsha túsken soń, ol bailanysqa shyqpai, izin sýytqan.
"Astanalyq turǵyn jazǵy demalysta balasyn lagerge jibergisi kelip, kúdiktiniń shotyna 120 myń teńge aýdarǵan. Aqshany alǵan soń, kúdikti habarlasýdy doǵaryp, jasyrynǵan", – dep habarlady politsiia qyzmetkerleri.
Quqyq qorǵaý organdary osyǵan uqsas taǵy 16 fakti anyqtady. Qazirgi ýaqytta qylmystyq is boiynsha barlyq tergeý amaldary aiaqtalǵannan keiin protsessýaldyq sheshim qabyldanatyn bolady.
Politsiia qazaqstandyqtarǵa usynylyp jatqan qyzmetter týraly aqparattyń shynaiylyǵyn tekserýge, rastalmaǵan adamdarǵa aqsha aýdarmaýǵa keńes beredi.
