Tergeý barysynda 31 jastaǵy áieldiń atalǵan otbasyǵa bala kútýshisi bolyp jumysqa ornalasqany anyqtaldy. Ol bir ai jumys istegennen keiin shkafta jatqan aqshany baiqaidy, keiin ieleriniń joqtyǵyn paidalanyp, mezgil-mezgilimen urlyq jasaǵan. Jalpy alǵanda, ol 3000 AQSh dollaryn urlaǵan.
Bala kútýshisi tarapynan eshqandai shaǵymdar bolmaǵan, biraq bir kúni úidiń iesi aqshanyń joǵalǵanyn baiqap, politsiiaǵa júgingen.
Atalǵan faktige bailanysty QR QK 188-baby boiynsha sotqa deiingi tergeý amaldary júrgizilýde. Kúdikti óz kinásin moiyndady. Onyń elorda aýmaǵynda buryn jasalǵan osyǵan uqsas qylmystarǵa qatystylyǵyna tekserý júrgizilýde.
«Nur-Sultan qalasynyń Politsiia departamenti jumys berýshilerge bógde adamdardy jumysqa qabyldamas buryn olardyń ótken ómirine qyzyǵýshylyq tanytýdy, qujattardyń kóshirmelerin, usynys hattardy talap etýdi, sondai-aq qyraǵy bolýdy, qundy zattardy qaraýsyz qaldyrmaýdy jáne beitanys adamdarǵa senbeý kerektigin eske salady», – delingen Nur-Sultan qalasynyń Politsiia departamenti.
