– Dostar! Ózderińiz biletindeı, aldymyzda qaladaǵy qurylysy uzaqqa sozylǵan nysandardy aıaqtaý mindeti tur. Osyǵan deıin ákimdik 150 kópqabatty turǵyn úı kesheniniń 120-synyń qurylysyn aıaqtaǵan bolatyn. Osylaısha myńdaǵan otbasy kópten kútken páterine qonystandy.
Búgin, ıaǵnı 16 jeltoqsan – Táýelsizdik kúni 300-den astam úlesker otbasy páteriniń kiltin aldy. «Royal Expo» turǵyn úı kesheniniń turǵyndary birneshe jyl buryn qonystanýy kerek edi. Turǵyndardy búgingi merekemen jáne qonys toıymen quttyqtaımyn! Árbir otbasyǵa amandyq, denderine saýlyq tileımin!
Biz óz tarapymyzdan ózge de úleskerlerdiń tezirek baspanaly bolý máselesin sheshýdi jalǵastyramyz. Al qalǵan 15 nysan boıynsha (30-dan astam turǵyn úı kesheni) sapasyna erekshe nazar aýdarýdy ári qurylys qarqynyn jedeldetýdi tapsyrdym. Qurylysy uzaqqa sozylǵan nysandardyń aıaqtalýy Memleket basshysynyń baqylaýynda, – dedi qala basshysy Jeńis Qasymbek.
