Astana – Qaraǵandy tasjolynda jeti kólik qatysqan iri jol-kólik oqiǵasy boldy, dep habarlaidy Dalanews.kz.
Aldyn ala málimet boiynsha, oqiǵa búgin shamamen saǵat 11:00-de tasjoldyń 147-shaqyrymynda, Oshagandy aýyly mańynda bolǵan. Qatty boran men kórinýdiń nólge jýyq bolýy saldarynan kólikter tizbekti túrde soqtyǵysqan.
Jol apatyna Chevrolet Nexia, Chery Tiggo, Toyota Land Cruiser, júk kóligi, «QazAvtoJol» kompaniiasynyń pikapy jáne ÝAZ Hunter kólikteri qatysqan.
Apat saldarynan Toyota Land Cruiser kóliginiń jolaýshysy oqiǵa ornynda qaza tapty. Al ÝAZ Hunter júrgizýshisi aýrýhanaǵa jetkizilgen, onyń naqty diagnozy anyqtalyp jatyr.
Qaraǵandy oblysynyń politsiia departamenti turǵyndardy taǵy da aýa raiy qolaisyz kezde jolǵa shyqpaýǵa shaqyrdy.
