Qazaqstannyń Táýelsizdik kúni qarsańynda elordada «10 igi is» uranymen áleýmettik qaiyrymdylyq is-sharalary bastaý alǵan bolatyn. Basty maqsat – qala men onyń turǵyndary úshin igi is jasaý.
– Mundai aktsiialardy ótken jyldary da uiymdastyrǵanbyz. Astananyń aiazdy kúnderinde azamattarymyzǵa kómek qolyn sozǵymyz keledi. Ózge júrgizýshilerdi aktsiiaǵa qosylýǵa jáne turǵyndarǵa kómektesýge shaqyramyz, – dep atap ótti Astananyń bas imamy Erbolat Júsipov.
Esterińizge sala keteiik, osyǵan deiin elordalyq eriktiler turǵyndarǵa ystyq shai men baýyrsaq taratý aktsiiasyn bastaǵan bolatyn. Olar aialdama keshenderin aralap, avtobýs salondarynda kondýktorlarǵa, júrgizýshilerge jáne jolaýshylarǵa ystyq shai men baýyrsaq taratqan.
Qala turǵyndary estafetaǵa qoldaý kórsete alady, sol siiaqty izgilik aktsiiasy aiasynda óz akkaýnttarynda #Meiirimdibolýádet, #Dobrotaobrazjizni #Modnobytdobrym heshtegimen aqparattar nemese videolar jariialai alady.
Bul kúnderi Astanada sarshunaq aiaz ornap tur. Aýa temperatýrasy –30 gradýsty kórsetýde. Qala turǵyndary men qonaqtary abai bolǵany, jaraqat alyp, úsik shalmas úshin kóshede uzaq ýaqyt júrmegeni jón.
