Baspasóz jiynyna jeńil atletikadan ulttyq qurama sportshylary Mihail Litvin, Adelina Zems, Olga Safronova jáne týrnirge qatysýshy sheteldik sportshylar Maikl Rodjers (AQSh), Shennon Rei (AQSh), Jýa Vitor De Olivera (Portýgaliia) qatysty.
WORLD ATHLETICS INDOOR TOUR – 2016 jyldan beri ótkizilip kele jatqan jyl saiynǵy seriia. Biylǵy maýsym 17 jarystan turady. Olar 2023 jyldyń 20-qańtary men 11-naýryz aralyǵynda AQSh, Qazaqstan, Germaniia, Chehiia, Frantsiia, Slovakiia jáne Serbiia elderinde ótedi.
«Astana Meeting» halyqaralyq týrniri baǵdarlamasyna jeńil atletikalyq jarystardyń 10 túri engizilgen. Baǵdarlamanyń ár túriniń júlde qory 4000 AQSh dollaryn quraidy. Júlde ár jarys túrinde úzdik tanylǵan 6 sportshy arasynda úilestiriledi»,- dep habarlady jarys direktory Ashat Seisembek.
Astana Meeting-ke qatysýshy atletter sany 92. Olardyń 72-si otandyq sportshylar bolsa qalǵan 20 atlet shetel ókilderi.
AQSh ardageri Maikl Rodjers jáne Efiopiiada 1500 metr qashyqtyqtaǵy jabyq jaida ótken álem chempionatynyń júldegeri Hirýt Meshesha –Astana Meeting-ke málimdelgen eń úlken juldyzdar.
60 metrlik sprintte Rodjerske AQSh-tyń burynǵy jabyq jaidaǵy chempiony Demek Kemp pen Portýgaldyq Frederiko Kýrvelý qarsylas bolady. Sonymen qatar týrnirde Ózbekstan ókilderi, biiktikke sekirýden álemdik birinshiliktiń birneshe márte finalisti Safina Sadýllaeva men Daria Reznichenko uzyndyqqa sekirýden óner kórsetedi.
Keniialyq Nikolas Kiplagat, burynǵy 20 jasqa deiingi Eýropa chempiony horvatiialyq Marino Blýdek jáne Balqan chempiony Sloveniialyq Ian Výkovich 800 metr qashyqtyqta jarys jolyna shyǵady.
Kýbalyq Rodjer Iribarne jáne burynǵy 18 jasqa deiingi Eýropa chempiony Vengriialyq Daniel Eszes 60 metrge kedergilermen júgirýden baq synaidy. Sondai-aq amerikandyq Shennon Rei, Barbadostyq Tristan Evelin, tájiribeli braziliialyq Fransiela Krasýki jáne avstriialyq Magdalena Lindner 60metr qashyqtyqta áielder arasynda synǵa túsedi.
Astana meeting otandyq jeńil atletikanyń halyqaralyq deńgeidegi bedelin jáne sportshylar arasyndaǵy básekelestikti arttyrady. Bul jarys elimizdiń jáne Aziia óńiriniń jeńil atletikasyndaǵy eń bedeldi jarystardyń birine ainalady.
Astana Meeting World indoor tour Silver halyqaralyq týrniri 23-qańtarda Astana q. «QAZAQSTAN» jeńil atletikalyq sport kesheninde ótedi. Bastalýy saǵat 19:00.
