“Ustazym qol júgirtti” dep málimdeme jasaǵan Astana meditsinalyq ýniversitetiniń stýdenti búginde ózge muǵalimderinen qysym kórýde, dep habarlaidy Dalanews.kz KTK telearnasyna siltep.
Telearna málimetinshe, ustazdyń oǵash áreketin kórgen jalǵyz bul qyz emes eken. Professorǵa ókpeli birneshe stýdent politsiiaǵa aryz túsirgen. Mán-jaidy qazir politsiia anyqtap jatyr.
Elordadaǵy meditsina ýniversitetiniń tórtinshi kýrs stýdenti 17 qarasha kúni oǵash oqiǵany bastan ótkergen. Onyń aitýynsha, emtihandy qaita tapsyrýǵa shaqyrǵan ustazy sol kúni erekshe izetti, sypaiy bolyp kóringen. Dárishanaǵa kirgen boiy esikti qulyptap, terezelerdi japqan soń, professor ersi qylyq kórsetken.
“Maǵan “tós tartqyshyńdy kóter, men júrek qaǵysyńdy tyńdaýym kerek”. dedi. Qoryqqanym sonshalyq, esik-tereze jabyq , oilańyzshy, ne isterimdi bilmei, aitqanyn buljytpai oryndadym. Sosyn kókiregimdi ýmajdap ustai bastady. Bir orynda qatyp qalǵanymdy ǵana bilemin. Shamamen bir minýttan keiin esimdi tez jiyp aldym da, “men qorqyp turmyn” dep aittym, aǵaiǵa. Sonda onyń maǵan aitqan bar jaýaby: “Nege qorqasyń? Men bar bolǵany densaýlyǵyńdy tekserip jatyrmyn” - deidi Aida Jampeiisova.
Osylaisha stýdent kóz jasyn tyia almai dekanatqa jol tartqan. Alaida onyń janaiqaiyna eshkim qulaq aspaǵan. Al basynan keshkenin instagramda aǵynan jarylyp aitqannan keiin stýdent qysymǵa ushyraǵan.
“Maǵan jynystyq azǵyndyq jasaǵan muǵalimniń otbasy meniń ata-anama tikelei qysym kórsetti. Instagramda áke-sheshemniń akkaýnttaryn belgilep, “qyzdaryńnyń tirligi ońyp turǵan joq” degen pikirler qaldyryp, kináni ózime jappaq boldy. Odan keiin ýniverstitet muǵalimderin de maǵan qarsy úgittedi. Sabaqta ózge muǵalimder áriptesin qoldap, maǵan qysym kórsetti” - deidi jábirlenýshi.
Stýdenttiń instagramdaǵy jazbasynan keiin professordan jynystyq zábir kórgen ár jyldardaǵy tálimgerler óz estelikterin jarysa jazdy. Aidadan bólek taǵy úsh stýdent dál osy muǵalimnen seksýaldyq sipatta jábir kórgenin aityp, politsiiaǵa shaǵymdanǵan.
Advokat Saida Súleimenova qazir qorǵaýynda jábirlenýshiden bólek taǵy úsh azamattyń bar ekenin alǵa tartty.
“Olar professorǵa qatysty aryz jazdy. Onyń ekeýi stýdent, al bireýi onyń patsienti eken. Iaǵni ol ýniversitet qabyrǵasynan tys jerde em-dom jasap, qol júgirtken” - dep túsindirdi advokat.
Jábirlenýshilerdiń aitýynsha, kei muǵalimder meditsinalyq tekseris jasaý keipinde jas qyzdardyń ár jerinen bir ustaýdy úirenshikti qubylysqa ainaldyrǵan. Japa shekkender mundai muǵalimderdiń atyn atap, túsin tústegisi kelmeidi. Al aitqandarynyń izine qazir ózge muǵalimder túsip, býlling jasaýda.
Qazir osy qyzdardyń aryzy boiynsha Saryarqa aýdanynyń politsiia bólimi istiń mán-jaiyn anyqtaý úshin sotqa deiingi tergep-tekserý amaldaryn bastap ketken.
